Jehová Diosqa, juez jina chayri testigo jina uj juiciopi kaj runaman nerqa mana runas nisqankuman jina ruwananta. Nitaj wajkuna jina sajrata ruwananpaj tanqachikunanta. Juecesqa ni piman kutikunankuchu karqa, testigostaj cheqanta parlananku karqa. Jehová Dios chayta kamachisqanqa waj imaspipis yanapallawasunmantaj. Imajtinchus kay mundomanta runasqa sapa kuti tanqawanchej paykuna jina ruwanapaj, yuyanapaj ima (Ro 12:2).
¿Imaspitaj mana allinchu kanman wajkuna jina ruway?
-
Mana allinchu wajkuna jina ruway imallatapis uyarispa chayri cuentosta uyarispa.
-
Mana allinchu wajkuna jina vistikuy, peinakuy chayri kusirikuy.
-
Mana allinchu wajkuna jina piensay waj llajtayojkunamanta, waj costumbresniyoj runasmanta chayri wajcha runasmanta, nitaj qhapaj runasmanta.
