“Kay libropi qhelqasqa Leymantaqa willaypuni. Tuta pʼunchay kay librota leerispa tʼukuriy, chaypi imatachus nisqanta tukuyninta sumajta kasukunaykipaj. Ajinamanta tukuy imapi allin risonqa, sumaj yuyaywantaj imatapis ruwanki”.

Josué 1:8

“Cheqa Diospa Leyninmanta librota jatunmanta leesharqanku, sumajtataj sutʼinchasharqanku imachus niyta munasqanta. Ajinata runasman entiendecherqanku chay leesqankuta”.

Nehemías 8:8

“Kusisqamin pichus sajra runaspa yuyaychasqankuman jina mana kausakojqa [...]. Astawanqa Jehová Diospa leyninta mayta munakun. Tuta pʼunchay Diospa leyninta leerispa tʼukurin. [...] Tukuy ima ruwasqanpitaj allin renqa”.

Salmo 1:1-3

“Felipetaj carretaj ladonta correrqa, uyarerqataj eunucota profeta Isaiaspa qhelqasqanta jatunmanta leeshajta, taporqataj: ‘¿Entiendenkichu leeshasqaykita?’, nispa. Eunucotaj nerqa: ‘¿Imaynatataj entiendesaj mana pipis sutʼinchawajtinri?’, nispa”.

Hechos 8:30, 31

 “Imaraykuchus Diospa mana rikukoj imasnenqa, nisunman wiñay atiynin, paypuni Dios kasqanpis, paypa ruwasqasninpi sutʼi rikukun, runata rikhurichisqanmantapacha. Chayrayku mana niyta atinkumanchu Dios mana kasqantaqa”.

Romanos 1:20

“Chay imaspi tʼukuriy. Chay imasta ruwaspallapuni kay. Ajinamanta ñauparishasqaykita tukuy sutʼita rikunankupaj”.

1 Timoteo 4:15

“Ujkuna ujkunawan purajmanta qhawarinakunachej, ajinamanta astawan munakuy kananpaj, allin ruwaykunatataj ruwananchejpaj. Amataj tantakuykunaman riyta saqenachu”.

Hebreos 10:24, 25

“Sichus qankunamanta pillapis pisi yachayniyoj chayqa, Diosmanta mañakullachunpuni. Diostaj yachayta qonqa. Diosqa tukuyman mana michʼakuspa qon, mana rimaspallataj”.

Santiago 1:5