Salmos 61:1-8
-
Diosqa enemigosmanta pakakunapaj sumaj torre jina
-
“Wasiykipi wiñaypaj tiyakusaj” (4)
-
Takichejpaj. Kay takiytaqa cuerdasniyoj tocanasta waqachispa takina. Davidpa takiynin.
61 Diosníy, uyarillaway ari, yanapata mañakuspa qhaparikamuyki.
Uyarillaway ari mañakususqayta.+
2 Ni imanakuyta atispajallpʼaj kʼuchusninmantapacha qhaparikamusqayki.+
Jatun chhanka patapi sayachiway.+
3 Qanmin pakakunayqa kanki.
Enemigoymanta pakakunaypaj sumaj torre jina kanki.+
4 Wasiykipi wiñaypaj tiyakusaj,*+lijrasniyki* urapi pakakusaj.+ (Sélah).*
5 Diosníy, qanmin uyarinki imastachus ruwasaj nisqayta.
Qanmin qowanki herenciata, sutiykita jatunchajkunaman qoyta yachanki chayta.+
6 Reytaqa astawan kausachinki.+
Payqa ashkha watasta kausanqa.
7 Payqa Diospa ñaupaqenpi wiñaypaj tiyakonqa.+
Payta munakusqaykirayku, paymanta ni jaykʼaj qonqapusqaykirayku yanapariy.+
8 Sutiykita jatunchaspa wiñaypaj takisaj.+
Imatachus ruwasaj nisqaytapis sapa día juntʼasaj.+
Sutʼinchaykunasnin
^ Chayri “Toldoykipi wiñaypaj tiyakunaypaj wajyarikuwanki”.
^ Lijra: waj lugarespi ninku ala.
