Salmos 32:1-11
Davidpa takiynin. Maskil.*
32 Kusisqamin runaqa pantasqanta Dios perdonajtin, juchantapis pampachajtin.*+
2 Kusisqamin runaqa Jehová Dios mana juchachajtenqa,+nitaj llulla runachu kajtenqa.
3 Juchayta mana willakuspa chʼinlla kashajteyqa, tuta pʼunchay waqasqaypi llauchʼillaña karqani.+
4 Niña allin ñawiwan qhawawasqaykeqa llasa qʼepi jina tuta pʼunchay ñitʼiykuwarqa.+
Kallpayqa tukukaporqa, imaynatachus qʼoñi tiempopi yakoqa vausispa tukukapun ajinata. (Sélah).*
5 Juchayta willakorqayki.
Pantasqaytaqa mana pakarqaykichu.+
Noqa nerqani: “Jehová Diosman pantasqasniyta willakusaj”,+ nispa.
Qantajrí Diosníy, pantasqasniyta, juchasniytapis perdonawarqanki.+ (Sélah).
6 Chayrayku qanta kasukoj runaqa qanmanta mañakusonqa,+qanman qayllaykuyta atikushajtenqa.+
Nitaj ima llakiypis qhatirenqachu.
7 Qanmin pakakunay kanki.
Qanmin ima llakiymantapis jarkʼawanki.+
Salvawasqaykirayku tukuynejpi noqapajqa kusiylla tiyan.+ (Sélah).
8 Qanmin nerqanki: “Allin yuyayta qosqayki, mayqen ñantachus rinaykitapis rikuchisqayki.+
Noqa yuyaychasqayki, qhawamusqaykitaj.+
9 Ama caballo jinaqa chayri mula jinaqa kaychejchu, mana entiendeyta atejqa.+
Chaykunataqa chukaru kasqankurayku frenowanpuni, jakimawanpuni sayachina.
Chaywanpuni kasuchikunki”, nispa.
10 Sajra runasqa ashkha nanayniyoj kanku.
Jehová Diospi atienekojkunarí, paypaj munasqa kasqankuta rikonqanku.+
11 Cheqan runas, Jehová Diospa ruwasqanmanta kusikuychej, sonqo juntʼasqataj kaychej.
Cheqan sonqoyoj runas, kusiymanta qhapariychej.
Sutʼinchaykunasnin
^ Chayri “perdonajtin”.
