Salmos 31:1-24
Takichejpaj. Davidpa takiynin.
31 Jehová Diosníy, qanpi pakakuni.+
Ni jaykʼaj pʼenqaypi rikhurisajchu.+
Cheqan Dios kasqaykirayku libraway ari.+
2 Kʼumuykakamuspa uyariway ari.
Usqhayta jamuspa salvaway ari.+
Orqopi sumaj jarkʼachasqa lugarniy kay ari.
Salvakunaypaj sumaj jarkʼachasqa wasi jina kay ari.+
3 Qanmin kanki pakakunay chhanka. Qanmin kanki jarkʼachasqa lugarniy.+
Sutiykirayku+ ñanniykita pusawanki, cuidawankitaj.+
4 Qanmin salvawanki ñanniyman churaykunku chay trampamanta,*+qanmin kanki jarkʼachasqa lugarniy.+
5 Diosníy, makisniykiman kausayniyta* churani.+
Jehová Diosníy, cheqa kajta parlaj Dios, qanmin salvawarqanki.+
6 Noqaqa Jehová Diospi atienekuni.
Qhasi manakaj santosta yupaychajkunata chejnikuni.
7 Diosníy, munakuwasqaykirayku maytapuni kusikusaj.
Qanmin rikunki imayna llakisqachus kashasqayta.+
Qanmin yachanki sinchʼi phutisqa kashasqayta.
8 Mana enemigosniypa makisninkumanqa jaywaykuwarqankichu,astawanpis sumaj jarkʼachasqa lugarpi allinta sayachiwanki.
9 Jehová Diosníy, khuyarikuway ari, sinchʼi llakisqapuni kashani.
Phutikuspa waqasqaypi ñawisniypis chharpullaña,+ tukuy ukhuypis tʼunasqa.+
10 Llakikusqaypi tukukushaniña,+jikʼun jikʼunta waqasqaypi tukukushaniña.+
Pantasqayrayku kallpayqa pisiyapushan.
Tukuy cuerpoytaj llauchʼiyapushan.*+
11 Tukuy enemigosniypa burlakunanku kani,+astawanraj vecinosniypajqa.
Rejsisqasniypis noqamanta karunchakuwanku,callepi rikuwaspaqa noqamanta ayqekunku.+
12 Niña yuyarikuwankuchu, qonqasqata qonqapuwanku, wañusqañapis kayman jina.
Yuru pʼakisqa jina kani.
13 Runasta uyarini sajra imasta noqamanta parlasqankuta.
Tukuynejpi noqapajqa manchachikuylla tiyan.+
Paykunaqa contrayta uj runa jinalla oqharikunku,wañuchinawankupajtaj yachachinakunku.+
14 Jehová Diosníy, noqaqa qanpi atienekuni.+
Noqaqa nini: “Qanmin Diosneyqa kanki”,+ nispa.
15 Kausayneyqa makisniykipi kashan.
Enemigosniypa makisninkumanta libraway ari, qhatiykachawajkunamanta libraway ari.+
16 Kamachiykiwanqa kʼacha kay ari.*+
Munakuwasqaykirayku salvaway ari.
17 Jehová Diosníy, qanman qhaparikamusaj, manataj pʼenqaypi rikhurisajchu.+
Sajra runas pʼenqaypi rikhurichunku.+
Sepulturapi* chʼinyachisqa kachunku.+
18 Llulla imasta parlaj runasqa chʼinyachunku.+
Paykunaqa cheqan runaj contranta burlakuspa, jatunchakuspataj parlanku.
19 Diosníy, allin kʼachapuni kanki.+
Ashkha bendicionesta waqaychanki qanta manchikusojkunaman qonaykipaj.+
Kʼacha kasqaykitaqa qanpi pakakojkunaman rikuchinki tukuy runaspa rikunankuta.+
20 Paykunataqa qayllaykipi kaj chʼujllapi pakaykunki,+contrankuta sajra imasta wakichej runasmanta.
Paykunataqa chʼujllaykipi pakaykunki,paykunaj contrankuta parlajkunamanta.+
21 Jehová Diosqa jatunchasqa kachun,paymin munakuwaspa tʼukuna imasta ruwarqa,+ llajtapi soldadoswan muyurisqa kashajtiy.+
22 Noqaqa sinchʼita mancharikuspa nerqani:
“Enemigosneyqa ñaupaqeykipi wañuchiwanqanku”,+ nispa.
Qantajrí, uyarimuwarqanki yanapata mañakuspa qhaparikamusqayta.+
23 Jehová Diosta tukuy kasukojkuna, payta munakuychej.+
Jehová Diosqa payman kʼaskasqa kajkunata jarkʼan.+
Jatunchakojkunatataj sinchʼita castigan.+
24 Jehová Diospi tukuy atienekojkuna,kallpachakuychej,+ sinchʼitataj sayallaychejpuni.+
Sutʼinchaykunasnin
^ Hebreo parlaypeqa nin, “chʼipamanta”.
^ Hebreo parlaypeqa nin, “Tullusniy llauchʼiyapushan”.
^ Hebreo parlaypeqa nin, “Kamachiykiman uyaykiwan kʼanchay”.
