Job 29:1-25
29 Jobqa kay jinata parlallarqapuni:
2 “Imaynapichus kutiyta atiyman ñaupa tiemposman,maypachachus Dios yanapariwaj chayman.
3 Payqa lamparanta umay patapi kʼancharichej.
Kʼanchayninwanqa laqhapipis purillaj kani.+
4 Kallpallaypiraj karqani.
Diosqa amigoy karqa, noqawanpunitaj* kashaj.+
5 Tukuy Atiyniyoj Diosqa noqawan kasharqa,wawasniypis* ladollaypiraj kakusharqanku.
6 Chaypachasqa chakisniytapis lechewan mayllaj kani,chhankasmantapis aceiteqa yakus jina puririmoj noqapajqa.+
7 Llajta punkuman llojsispaqa+plazapi kaj tiyanaypi tiyarikoj kani.+
8 Jovenesqa rikuwaytawan ladeakoj kanku,kuraj runaspis sayarikoj kanku.+
9 Reypa wawasninpis mana parlarejchu kanku,siminkuta makinkuwan tapakoj kanku.
10 May rejsisqa runaspis chʼinlla kaj kanku,qallunkupis watakunman jina.
11 Uyariwajkunaqa noqamanta allinta parlaj kanku,rikuwajkunapis noqaman sayasqa parlaj kanku.
12 Wajcha runa yanapata mañakoj chayqa, yanaparej kani.+
Mana tatayoj wawasta, mana piniyoj runastapis yanaparillajtaj kani.+
13 Wañuy patapi kaj runaspis ‘gracias’ niwaj kanku,+viudaspis kusikoj kanku yanaparisqaymanta.+
14 Allin kajtapuni ruwaj kani.*
Justiciaqa ropay jina karqa, uma maytʼunay jinataj.
15 Ciegospajqa ñawisninku karqani,cojospajpis chakisninku karqani.
16 Wajchaspajqa tata jina karqani,+mana rejsisqastapis yanaparej kani justiciata tarinankupaj.+
17 Sajra runastaqa phiña animalesta jina tukuchej kani,+ñakʼarichisharqanku chay runastapis makinkumanta qhechoj kani.
18 Kayta nej kani: ‘Wasiypi wañupusaj.+
Kausakusqay pʼunchaykunaqa tʼiyu jina may chhika kanqa.
19 Saphisneyqa yakukama chayanqanku,ramasniypis tutantin chhulla chhullalla kanqanku.
20 Runasqa respetawanqanku,makiypis flechana arcowan* flechallanqapuni’, nispa.
21 Runasqa qhechi ninrilla uyariwaj kanku,chʼinsitumantataj yuyaycharinayta suyakoj kanku.+
22 Parlasqaytawanqa niña imatapis nejchu kanku,nisqaytaqa kusisqa uyarej kanku.
23 Runasqa parata jina suyawaj kanku.
Parlanaytaqa paray tiempota jina suyakoj kanku.+
24 Paykunata kusisqa qhawarejtiy tʼukoj kanku.
Kusisqata rikuwaspa kusikoj kanku.
25 Kuraj kamachejninku jina paykunata yuyaychaj kani,soldados chaupipi rey jina kaj kani,+llakisqa runastapis sonqochashayman jina.+
Sutʼinchaykunasnin
^ Hebreo parlaypeqa nin, “toldoypitaj”.
^ Chayri “kamachisniypis”.
^ Hebreo parlaypeqa nin, “Cheqan kajtaqa ropata jina churakorqani”.
^ Flechana arco: waj lugarespi ninku camba flecha.
