Isaías 60:1-22
60 “Warmi, sayarikuy,+ kʼanchariy,kʼanchayniykeqa chayamunña.
Jehová Diospa jatun kaynenqa pataykipi kʼanchashan.+
2 Laqhayayqa jallpʼata pʼampaykonqa,yana phuyuspis nacionesta pʼampaykonqa.
Pataykipitaj Jehová Dios kʼanchanqa,pataykipeqa jatun kaynin rikukonqa.
3 Nacionesqa kʼanchayniykiman jamonqanku,+reyespis+ lliphipirej kʼanchayniykiman* jamonqanku.+
4 Umaykita oqharispa muyuyniykita qhawariy.
Tukuyninkuta tantaykuchinku. Qanman jamushanku.
Qhari wawasniykeqa karumantapacha jamushallankupuni,+warmi wawasniykitapis makipi apamushanku.+
5 Chaypacha qanqa chayta rikuspa lliphipirinki,+sonqoyki pharaqeyarenqa, maytataj kusikonqa,mar qochaj valorniyoj imasnenqa qanman jamonqanku,nacionespa kapuyninkoqa qanman jamonqanku.+
6 May chhika camellos jallpʼaykiman juntʼaykamonqanku,*Madianmanta, Efamantawan+ maltón camellos.
Sabamanta tukuynin runas jamonqanku,paykunaqa qorita, yuraj inciensotawan apamonqanku.
Jehová Diostaqa tukuypa rikunanta jatunchanqanku.+
7 Quedarmanta+ tukuynin uywas qanpaj tantachisqa kanqanku,Nebayotmanta+ carnerospis* qanta sirvisonqanku.
Chay carnerosqa altarniyman chamonqanku, allinpajtaj qhawasqa kanqanku.+
Noqaqa sumaj wasiyta* kʼachanchasaj.+
8 ¿Pikunataj kanku phuyus jina purishanku chaykuna,thapasninkuman* phawaj palomas jinari?
9 Yaku chaupipi churusqa* noqapi atienekonqanku.+
Tarsis barcosqa ñaupajta* rishanku,wawasniykita may karumantapacha oqharimunankupaj,+qolqe metalninkutawan qorinkutawan khuska,Jehová Diosniykej sutin jatunchasqa kananpaj, Israelpa Santo Diosnin jatunchasqa kananpaj.
Paymin jatunchasonqa.*+
10 Perqasniykitaqa forasteros ruwapusonqanku,reyesninkupis sirvisonqanku.+
Noqaqa phiñakuspa castigarqayki,kunantaj allinpaj qhawasqayki, khuyakusqaykitaj.+
11 Punkusniykeqa kicharisqallapuni kanqa,+ni tutapis ni pʼunchaypis wisqʼakonqachu,nacionespa kapuyninkuta apamusunankupaj,reyesninkoqa ñaupajta chay imasta apamusonqanku.+
12 Qanta mana sirvisoj nacionespis gobiernospis tukuyninku chinkaponqanku,nacionespis qʼala tukuchisqas kanqanku.+
13 Libanomanta aswan sumaj sachʼasqa qanman jamonqanku,+enebro sachʼas, fresno sachʼas, ciprés sachʼaspis, tukuyninku ujllapi jamonqanku,+santo lugarniy kʼachanchasqa kananpaj.
Noqaqa chakisniypa sarusqan lugarta jatunchasaj.+
14 Ñakʼarichisojkunaj wawasninku jamuspa ñaupaqeykipi kʼumuykukonqanku.
Pisipaj qhawasojkunaqa tukuyninku chakisniyki chayman kʼumuykukonqanku,nisonqankutaj Jehová Diospa llajtan kasqaykita,Israelpa Santo Diosninpa Sion llajtan.+
15 Saqerpayarqayki chaypis, runas chejnisorqanku chaypis, chaupiykita manaña ni pi pasanchu chaypis,+runaswan wiñaypaj jatunchachisqayki,wiñaypaj kusikunanku kanki.+
16 Nacionespa lechenkuta tomanki,+reyespa ñuñunmanta ñuñunki.+
Sutʼitataj yachanki noqa Jehová Dios Salvasojniyki kasqayta,Jacobpa atiyniyoj Diosnintaj Kacharichisojniyki kasqanta.+
17 Cobrej cuentanmantaqa qorita apamusaj,fierroj cuentanmantataj qolqe metalta,maderaj cuentanmantataj cobreta,rumispa cuentanmantataj fierrota.
Allin kausayta churasaj qanta qhawasunankupaj,justiciatataj churasaj kamachisunankupaj.+
18 Jallpʼaykipeqa manaña wañuchinakus uyarikonqachu,lindesniyki* ukhupeqa manaña uyarikonqachu thuñiykunamanta, tukuchiykunamantapis.+
Perqasniykitaqa Salvación ninki, punkusniykitataj Alabanza ninki.+
19 Pʼunchayqa manaña intichu kʼanchamusonqa,manaña killaj kʼanchayninchu kʼanchamusonqa.
Jehová Diosmin wiñaypaj kʼanchayniyki kanqa,+kʼachitu kayniykeqa Diosniyki kanqa.+
20 Intiykeqa manaña yaykuponqachu,killaykipis manaña wañonqachu.
Jehová Diosmin wiñaypaj kʼanchayniyki kanqa,+llakikunayki pʼunchaykunapis tukukaponqa.+
21 Tukuy nacionniyki cheqan runas kanqanku,kay jallpʼapi wiñaypaj tiyakonqanku.
Paykunaqa plantasqaypa pʼutumusqan kanku,kʼachanchakunaypaj+ makisniywan ruwakusqay.+
22 Pisi runasqa waranqaman tukonqanku,mana kasuy runaspis atiyniyoj nacionman tukonqanku.
Noqa Jehová Diosmin maychus tiemponpi usqhayllata wiñachisaj”.
Sutʼinchaykunasnin
^ Chayri “sutʼiyay kʼanchayniykiman”.
^ Hebreo parlaypeqa nin, “juntʼaykamusonqanku”.
^ Carnero: waj lugarespi ninku mocho, oveja toro.
^ Chayri “kʼachitu wasiyta”.
^ Chayri “palomaspa juskʼusninkuman”.
^ Chayri “qallariypi jina”.
^ Chayri “kʼachanchasonqa”.
^ Chayri “Islasqa”.
^ Linde: waj lugarespi ninku lindero.
