Isaías 42:1-25
42 Kaymin kamacheyqa,+ payta yanapani.
Paymin ajllakusqayqa,+ payta allinpaj qhawani.+
Payman espirituyta qoni.+
Payqa nacionespaj justiciata ruwanqa.+
2 Payqa mana qhaparenqachu, nitaj jatunmanta parlanqachu,callepipis parlasqanta mana uyarichenqachu.+
3 Lajrasqa caña huecata mana pʼakenqachu,nitaj ñakʼayllataña laurashaj mechatapis wañuchenqachu.+
Atienekunapaj jina kasqanrayku justiciata ruwanqa.+
4 Mana llauchhiyanqachu, nitaj saykʼonqachu kay jallpʼapi justiciata allinta sayachinankama.+
Yaku chaupipi churusqa* leyninta* suyakushanku.
5 Cheqa Dios* Jehovaqa,pichus cielota Ruwaj Dios, cielota aysarej Jatun Dios,+jallpʼata Ruwaj Dios, poqochejtaj,+chaypi tiyakojkunamanpis samayta qoj Dios,+chaypi purejkunaman kausay samayta qoj Dios, payqa kayta nin:+
6 “Noqa Jehová Diosmin wajyarqayki justicia ruwakunanpaj.
Makiykimanta japʼerqayki.
Qantaqa jarkʼakusqayki, uj trato jinataj kanki noqapaj runaspajpis,+nacionespa kʼanchayninku jina kanki,+
7 ciegospa ñawisninta kicharinaykipaj,+presochasqasta carcelmanta orqhonaykipaj,laqhapi tiyasqa kajkunata carcelmanta orqhonaykipaj.+
8 Noqa Jehová kani. Chaymin suteyqa.
Jatun kayniytaqa mana pimanpis qonichu,nillataj yupaychasqa kanaytapis santosman qonichu.+
9 Qhawariychej, ñaupaj kaj imasqa ruwakunña,kunantaj mosoj imasta willashaykichej.
Niraj chay imas kashajtin qankunaman willashaykichej”.+
10 Jehová Diosman uj mosoj takiyta takiychej,+uj takiywan alabaychej jallpʼaj kʼuchusninmantapacha,+qankuna mar qochanta purejkuna, chaypi tukuy ima kajpis,qankuna yaku chaupipi churus, chaypi tiyakojkunapis.+
11 Chʼin jallpʼaspis llajtasninkupis qhaparichunku,+Quedar+ tiyakun chay ranchospis.
Chhankaspi tiyakojkuna kusiymanta qhaparichunku,orqo puntasmantapacha qhaparichunku.
12 Jehová Diosta jatunchachunku,mar qocha churuspipis jatunchallachunkutaj.+
13 Jehová Diosqa wapu soldado jina llojsimonqa.+
Soldado jina maqanakuyllataña munashan.+
Payqa jatunmanta qhaparenqa, maqanakupaj qhaparenqa,enemigosninmanta aswan atiyniyoj kanqa.+
14 “Unayta chʼinlla karqani.
Chʼinlla karqani, ni imata nerqanichu.
Kunanqa ay ay nisaj, ñakʼayllataña samasaj, phukurakusajtajnacechikoj warmi jina.
15 Orqosta, lomastapis phirisaj,chaypi ima qʼomer kajtapis qʼalata chʼakirachisaj,mayustaqa chʼaki jallpʼaman* tukuchisaj,caña huecasniyoj qochastapis chʼakirachisaj.+
16 Ciegostaqa mana rejsisqanku ñanninta pusasaj.+
Mana rejsisqanku ñankunasta purichisaj.+
Laqhataqa ñaupaqenkupi kʼanchayman tukuchisaj,+meqʼa meqʼa jallpʼastapis pampachasaj.+
Chayta paykunapaj ruwasaj, nitaj saqerparisajchu”.
17 Santospi atienekojkunataqamana munashajta qhepaman kutirichenqanku, pʼenqaypitaj rikhurichenqanku,pikunachus metalmanta* santosman ninku “qankuna diosesniyku kankichej” nispa chaykunata.+
18 Qankuna joqʼaras,* uyariychej.
Qankuna ciegos, qhawariychej rikuychejtaj.+
19 ¿Pitaj ciegori? ¿Manachu kamachillaytaj?
¿Pitaj kachasqay runa jina joqʼarari?
¿Pitaj tʼinkata japʼej runa jina ciegori?
¿Pitaj Jehová Diospa kamachin jina ciegori?+
20 Ashkha imasta rikushaspapis mana allinta reparankichu.
Uyariyta atishaspapis mana uyarinkichu.+
21 Jehová Diosqa cheqan kasqanrayku,kusikun leyta* jatunchaspa, allinpaj qhawachispataj.
22 Kay naciontaqa saqueanku, suwankutaj.+
Tukuyninku juskʼuspi japʼichikunku, carcelespitaj pakakushanku.+
Paykunataqa saqueanku, nitaj pipis kacharichinchu.+
Paykunataqa apakapunku, nitaj pipis ninchu “kutichimuychej” nispaqa.
23 ¿Mayqenniykichejtaj kayta uyarenqa?
¿Pitaj allinta uyarispa imachus qhepaman kananpi piensanqa?
24 ¿Pitaj Jacobta jaywaykorqa suwasqa imasta jina?
¿Pitaj Israelta suwasman jaywaykorqa?
¿Nichu Jehová Dios jaywaykorqa contranta juchallikusqankurayku?
Paykunaqa mana ñankunasninta puriyta munarqankuchu,leynintapis* mana kasukuyta munarqankuchu.+
25 Chayrayku phiñakuyninta paykunaman apachimullarqapuni.
Paykunapaj rabiasqa kasqanrayku guerrawan castigarqa.+
Chaytaj muyuyninkupi kajta qʼalata tukucherqa, paykunataj ni chaywanpis kasukorqankuchu.+
Contrankupi kʼajarerqa, paykunataj mana kasurarqankuchu.+
Sutʼinchaykunasnin
^ Chayri “Islasqa”.
^ Chayri “yachachiyninta”.
^ Glosariopi cheqa Dios nisqata leeriy.
^ Chayri “churusman”.
^ Chayri “unuyachisqa metalmanta”.
^ Joqʼara: waj lugarespi ninku lojtʼu.
^ Chayri “yachachiyninta”.
^ Chayri “yachachisqantapis”.
