Mahwen me wiawi nan Ukraine, iangahki wekwekilahn mesenleng kin kahpwalihala pekederpeseng en mwenge kan nan sampah pwon. Ahpw mehlel nan sahpw akan me aramas tohto kin apwalki diar mwenge me itar.

•    “Mahwen, wekwekilahn mesenleng, pweilaudlahn gas, oil oh soahng teikan kin kahpwalihala wiawihdahn mwenge oh pekeder en mwenge kan.”—António Guterres, UN secretary-general, July 17, 2023.

•    “Russia solahr iang kisehn inou en kadar weren krein kan sang Ukraine. Semen kan medewe me met pahn ahpwte kalaudehla apwal en mwenge nan sampah pwon oh pweinen mwenge nan sahpw semwehmwe kan, mehlel nan North Africa oh Middle East.”—Atalayar.com, July 23, 2023.

 Tehk dahme Paipel mahsaniheki duwen apwal en mwenge oh ni ahnsou kohkohdo.

•    Sises ketin kohpada: “Ehu tohnwehi pahn mahweniong ehu tohnwehi oh ehu wehi pahn mahweniong ehu wehi, oh ehuehu wasa lehk lapalap . . . pahn kin wiawi.”—Madiu 24:7.

•    Pwuhken Kaudiahl nan Paipel kasalehda soundak oahs pahmen ni karasaras. Emen soundak oahs ko kin wehwehki mahwen. Me idawehn iho kin wehwehki lehk lapalap, ahnsou me mwenge kan pahn sohla itar oh pweilaudla douluhl. “I kilangada oahs toantoal men, oh me mwomwohd powe kolokol nan peh mehn tenek ehu. I rongada mehkot me duwehte ngihl ehu me peido . . . nda: ‘Quart en wihd ehu ong denari a ehu oh quart en parli siluh ong denari ehu.’”—Kaudiahl 6:5, 6.

 Kokohp en Paipel pwukat duwen apwal en mwenge kin pweipweida ahnsou wet, ahnsou me Paipel kin kahdaneki “imwin rahn akan.” (2 Timoty 3:1) Ma ke men kalaudehla ese duwen “imwin rahn akan” oh soundak oahs pahmeno nan Kaudiahl, kilang kisin kasdo The World Has Changed Since 1914 oh wadek oaralap “Soun Dake Oahs Pahmeno—Ihs Irail?”

•    Paipel kin audaudki kaweid mwahu kan me kak sewese kitail nan irair apwal kan, me duwehte pweilaudlahn mwenge de soh itar en mwenge. Kilang ekei karasepe kan nan oaralap “How to Live on Less.”

•    Paipel pil kin kihong kitail koapworopwor me soahng kan pahn mwahula. E inoukihda me e pahn mie ahnsou ehu me “reken wahn pilawa en kin wiewiawihte” nin sampah oh aramas koaros pahn dir kanarail mwenge. (Melkahka 72:16) Ma ke men kalaudehla omw ese duwen koapworopwor wet ni ahnsou kohkohdo oh dahme kahrehda ke kak likih met, wadek oaralap “A Real Hope for a Better Tomorrow.”