اَسی سکھ لیا اے کہ خدا دی بادشاہی ہُن حکمرانی کر رہی اے تے ایہہ بوہت چھیتی زمین توں دُکھ تکلیفاں نُوں ختم کر دَوے گی۔ آؤ کجھ ایہو جہے چنگے کماں تے غور کرئیے جیہڑے ایہہ بادشاہی کرے گی۔‏

1.‏ خدا دی بادشاہی زمین اُتے امن تے انصاف نُوں فیر توں کیویں قائم کرے گی؟‏

بادشاہ یسوع مسیح ہرمجدون دی جنگ چ سارے بھیڑے لوکاں تے حکومتاں نُوں ختم کر دے گا۔ (‏مکاشفہ 16:‏14،‏ 16‏)‏ اوہدوں خدا دا ایہہ وعدہ وی پورا ہوئے گا کہ شریر لوک مُک جان گے۔‏ (‏زبور 37:‏10‏)‏ یسوع اپنی بادشاہی دے ذریعے ساری دُنیا چ امن تے انصاف نُوں فیر توں قائم کر دے گا۔—‏یسعیاہ 11:‏4 نُوں پڑھو۔‏

2.‏ اوس ویلے زندگی کیہو جہی ہوئے گی جدوں زمین تے خدا دی مرضی پوری ہوئے گی؟‏

خدا دی بادشاہی چ صادق زمین دے وارث ہون گے تے ایہدے تے ہمیشاں ہسدے وَسدے رہن گے۔‏ (‏زبور 37:‏29‏)‏ ذرا سوچو کہ جدوں زمین تے سارے صادق لوک یعنی نیک لوک وَسن گے تے زندگی کیہو جہی ہوئے گی۔ ایہہ لوک یہوواہ نُوں دلوں پیار کرن گے تے اِک دُوجے نال وی پیار محبت نال رہن گے۔ اوہدوں کوئی وی بیمار نئیں ہوئے گا تے سارے انسان ہمیشاں تک زندہ رہن گے۔‏

3.‏ سارے بدکار لوکاں نُوں ختم کرن توں بعد خدا دی بادشاہی کیہہ کرے گی؟‏

یسوع مسیح بدکار لوکاں نُوں ختم کرن توں بعد 1000 سال تک بادشاہی کرے گا۔ ایس عرصے چ یسوع مسیح اپنے 1 لکھ 44 ہزار ساتھیاں نال مِل کے اِک بوہت ای شان‌دار کم کرے گا۔ اوہ انساناں نُوں گُناہ توں بالکل پاک کر دے گا۔ 1000 سال دے آخر تک ساری زمین عدن دے باغ وانگوں سوہنی بن جائے گی۔ اوس ویلے ایہدے تے صرف اوہ لوک آباد ہون گے جیہڑے خدا دے وفادار ہون گے۔ فیر یسوع سارا اِختیار اپنے باپ یہوواہ نُوں واپس کر دے گا تے ساری کائنات چ خدا دا ناں پاک منیا جائے گا۔‏ (‏متی 6:‏9، 10‏)‏ اوہدوں ایہہ گل ہمیشاں ہمیشاں لئی ثابت ہو جائے گی کہ یہوواہ ای بہترین حکمران اے جیہڑا اپنے لوکاں نُوں بڑا پیار کردا اے۔ فیر خدا شیطان تے اوہدے فرشتیاں نُوں ختم کر دے گا۔ اوہ اوہناں لوکاں نُوں وی ختم کر دے گا جیہڑے اوہدی حکمرانی دے خلاف ہون گے۔ ‏(‏مکاشفہ 20:‏7-‏10‏)‏ فیر خدا دی بادشاہی چ ہمیشاں لئی امن تے سلامتی دا راج ہوئے گا۔‏

 ہور سوچ‌وچار لئی

4.‏ خدا دی بادشاہی انسانی حکومتاں نُوں مٹا دَوے گی

پاک کلام چ دَسیا گیا اے کہ اِک انسان دُوجے انسان تے حکومت کر کے مصیبت لیاندا اے۔ (‏واعظ 8:‏9‏)‏ ایس لئی خدا دی بادشاہی انسانی حکومتاں نُوں بالکل ختم کر دَوے گی۔‏

دانی‌ایل 2:‏44 تے 2-‏تھسلُنیکیوں 1:‏6-‏8 نُوں پڑھو تے فیر ایہناں سوالاں تے گل بات کرو:‏

• یہوواہ خدا تے یسوع مسیح انسانی حکومتاں تے اوہناں دے حمایتیاں نال کیہہ کرن گے؟‏

• تُسی خدا تے یسوع مسیح بارے جو کجھ سکھیا اے اوہدے توں توانوں ایہہ یقین کیوں اے کہ اوہ جو کجھ وی کرن گے صحی کرن گے؟‏

5.‏ یسوع ورگا بادشاہ ہور کوئی نئیں

یسوع زمین تے اپنے بندیاں نُوں بوہت ساریاں برکتاں دَوے گا۔ ویڈیو چلاؤ تے ویکھو کہ نہ صرف یہوواہ خدا نے یسوع نُوں انساناں دی مدد کرن دی طاقت دِتی اے سگوں یسوع آپ وی اِنج کرنا چاہندا اے۔‏

یسوع نے زمین تے آ کے کجھ ایہو جہے کم کیتے جنہاں توں ظاہر ہویا کہ خدا دی بادشاہی انساناں لئی کیہہ کجھ کرے گی۔ اگلے صفحے تے جیہڑے کماں دا ذکر کیتا گیا اے تُسی اوہناں وچوں کیہڑے کم نُوں ویکھن دی خاص طور تے خواہش رکھدے او؟ اوہناں ایتاں نُوں وی پڑھو جیہڑیاں نال دِتیاں گئیاں نیں۔‏

 6.‏ خدا دی بادشاہی ڈھیر ساریاں خوشیاں لیائے گی

 خلاصہ

خدا دی بادشاہی اوہدے مقصد نُوں پورا کرے گی۔ ایہہ زمین نُوں عدن دے باغ وانگوں سوہنا بنا دے گی جدے چ نیک لوک ہمیشاں تک رہن گے تے یہوواہ دی عبادت کرن گے۔‏

دہرائی

• خدا دی بادشاہی اوہدے ناں نُوں پاک کیویں ٹھہرائے گی؟‏

• اَسی ایہہ یقین کیوں کر سکنے آں کہ خدا دی بادشاہی اوہناں وعدیاں نُوں پورا کرے گی جیہڑے اوہنے کیتے نیں؟‏

• خدا دی بادشاہی جیہڑیاں برکتاں لیائے گی تُسی اوہناں وچوں خاص طور تے کیہڑی برکت حاصل کرنا چاہندے او؟‏