خدا دے کلام بائبل چ اِک بوہت ای خاص گل دَسی گئی اے۔ اوہ ایہہ کہ خدا اپنی بادشاہی دے ذریعے ساڈیاں ساریاں مصیبتاں نُوں ختم کر دَوے گا۔ اوہ ایس زمین نُوں فیر توں عدن دے باغ وانگوں سوہنا تے صاف ستھرا بنا دے گا۔ پر شاید تُسی سوچو کہ خدا دی بادشاہی کیہہ اے؟ سانوں کیویں پتہ اے کہ ایہہ بادشاہی قائم ہو چُکی اے؟ نالے ایہنے ہُن تک کیہہ کجھ کیتا اے تے مستقبل چ کیہہ کجھ کرے گی؟ ایہناں سوالاں دے جواب سانوں ایس سبق تے اگلے دو سبقاں چ مِلن گے۔‏

1.‏ خدا دی بادشاہی کیہہ اے تے ایہدا بادشاہ کون اے؟‏

ایہہ بادشاہی اصل چ اِک حکومت اے جیہڑ ی خدا نے آپ قائم کیتی اے۔ ایہدا بادشاہ یسوع مسیح اے تے اوہ اسمان توں حکومت کر رہیا اے۔ (‏متی 4:‏17؛‏ یوحنا 18:‏36‏)‏ بائبل چ یسوع بارے دَسیا گیا اے کہ اوہ ہمیشاں ہمیشاں لئی حکمرانی کرے گا۔‏ (‏لُوقا 1:‏32، 33‏)‏ خدا دی بادشاہی دے بادشاہ دے طور تے اوہ ساری زمین تے حکومت کرے گا۔‏

2.‏ کیہہ یسوع کلّا ای حکومت کرے گا؟‏

نئیں۔ اوہ کلّا حکومت نئیں کرے گا۔ پاک کلام چ دَسیا گیا اے کہ ہر قبیلے، زبان، نسل تے قوم وچوں لوک اوہدے نال مِل کے بادشاہواں دے طور تے زمین تے حکمرانی کرن گے۔‏ (‏مکاشفہ 5:‏9، 10‏)‏ پر ایہہ کِنّے لوک ہون گے؟ جدوں یسوع زمین تے آیا، اوس ویلے توں لے کے ہُن تک کروڑاں لوک یسوع دے شاگرد بنے نیں۔ پر صرف 1 لکھ 44 ہزار لوک ای اسمان تے جا کے یسوع نال حکمرانی کرن گے۔ (‏مکاشفہ 14:‏1-‏4 نُوں پڑھو۔)‏ باقی سارے مسیحی ایس زمین تے ہمیشاں تک رہن گے۔ اوہ اِک طرحاں خدا دی بادشاہی دی رعایا ہون گے۔—‏زبور 37:‏29‏۔‏

3.‏ خدا دی بادشاہی انسانی حکومتاں نالوں بہتر کیوں اے؟‏

جے کدی انسانی حکومتاں کجھ چنگا کرن دا سوچدیاں وی نیں تے اوہ کر نئیں پاندیاں کیونکہ اوہناں چ سب کجھ کرن دی طاقت نئیں ہوندی۔ نالے تھوڑے ای عرصے بعد اوہناں دی حکومت ختم ہو جاندی اے تے نوِیں حکومت آ جاندی اے جنہوں شاید عوام دی اینی پرواہ نئیں ہوندی۔ پر بادشاہ یسوع دی جگہ کوئی وی نئیں لے گا تے اوہدی بادشاہی کدی ختم نئیں ہوئے گی۔‏ (‏دانی‌ایل 2:‏44‏)‏ یسوع ساری زمین تے حکومت کرے گا تے کسے دی طرف‌داری نئیں کرے گا۔ اوہ بوہت ای مہربان تے رحم‌دل اے۔ اوہ محبت تے انصاف کرن والا بادشاہ اے۔ اوہ اپنی رعایا نُوں آپس چ پیار تے محبت نال رہنا سکھائے گا۔ اوہ اوہناں نُوں سکھائے گا کہ اوہ اِک دُوجے نال کدی کوئی زیادتی نہ کرن سگوں اِک دُوجے تے مہربانی کرن لئی ہمیشاں تیار رہن۔—‏یسعیاہ 11:‏9 نُوں پڑھو۔‏

7.‏ خدا دی بادشاہی دے اصول تے معیار بوہت اُچے نیں

انسانی حکومتاں ایہو جہے قانون بناندیاں نیں جنہاں تے عمل کر کے شہریاں نُوں فائدہ ہوندا اے۔ خدا دی بادشاہی دے وی اپنے اصول تے معیار نیں جنہاں تے ایہدے شہریاں نُوں عمل کرنا پوے گا۔ 1-‏کُرنتھیوں 6:‏9-‏11 نُوں پڑھو تے فیر ایہناں سوالاں تے گل بات کرو:‏

• جدوں سارے لوک خدا دے اصولاں تے معیاراں تے چلن گے تے فیر دُنیا کیہو جہی ہوئے گی؟‏ a

• کیہہ خدا دی بادشاہی دے شہریاں کولوں ایہہ توقع کرنا صحی ہوئے گا کہ اوہ ایہدے اصولاں تے معیاراں مطابق عمل کرن؟ توانوں اِنج کیوں لگدا اے؟‏

• کیس گل توں پتہ چلدا اے کہ جیہڑے لوک ہُن ایہناں اصولاں تے معیاراں مطابق نئیں چلدے اوہ وی ایہناں مطابق چلن دے قابل ہو سکدے نیں؟—‏11 ایت نُوں ویکھو۔‏

 خلاصہ

خدا دی بادشاہی اِک اصلی حکومت اے۔ ایہہ اسمان توں زمین تے حکمرانی کرے گی۔‏

دہرائی

• خدا دی بادشاہی چ کون کون حکمرانی کرے گا؟‏

• خدا دی بادشاہی انسانی حکومتاں نالوں بہتر کیوں اے؟‏

• یہوواہ خدا اپنی بادشاہی دے شہریاں کولوں کیہہ توقع کردا اے؟‏