جے کوئی قدرتی آفت آ جائے تے کیہہ تُسی ایہدے لئی تیار او؟‏ زلزلے،‏ سمندری طوفان تے سیلاب ایہو جہیاں قدرتی آفتاں نیں جیہڑ‌یاں کسے ویلے وی آ سکدیاں نیں تے ایہناں دی وجہ توں بوہت تباہی ہو سکدی اے۔‏ ایہدے نال نال وبا،‏ ہنگامے تے دہشت‌گردی اچانک کسے وی جگہ تے شروع ہو سکدی اے۔‏ (‏واعظ 9:‏11‏)‏ سانوں ایہہ نئیں سوچنا چاہی دا کہ ساڈے علاقے چ کدی ایہو جہیاں آفتاں نئیں آن گیاں۔‏

سانوں کسے وی قدرتی آفت دا سامنا کرن لئی پہلاں توں ای تیار رہنا چاہی دا اے۔‏ (‏امثال 22:‏3‏)‏ ایہہ سچ اے کہ یہوواہ دی تنظیم قدرتی آفتاں دے دوران ساڈی مدد کردی اے پر ایہدا مطلب ایہہ نئیں کہ اَسی ایہناں توں بچن لئی کجھ وی نہ کرئیے۔‏—‏گلتیوں 6:‏5‏۔‏

ویڈیو ‏”‏کیہہ تُسی قدرتی آفتاں دا سامنا کرن لئی تیار او؟‏‏“‏ ویکھو تے فیر ایہناں سوالاں دے جواب دَوو:‏

• جدوں کوئی قدرتی آفت آندی اے تے یہوواہ نال دوستی ساڈی کیویں مدد کردی اے؟‏

• ایہہ ضروری کیوں اے کہ ‏.‏ .‏ .‏

  • ‏•‏ اَسی قدرتی آفت توں پہلاں،‏ ایہدے دوران تے ایہدے بعد بزرگاں نال لگاتار رابطہ رکھئے؟‏

  • ‏•‏ اَسی خاص خاص شیواں دا اِک بیگ تیار کرئیے جنہوں اَسی قدرتی آفت دے دوران اپنے نال رکھاں گے؟‏‏—‏جی 17 5 ص.‏ 6

  • ‏•‏ اَسی پہلاں توں ایس گل تے غور کرئیے کہ ساڈے علاقے چ کیہڑیاں قدرتی آفتاں آ سکدیاں نیں تے ایہناں دا سامنا کرن لئی اَسی کیہہ کر سکنے آں؟‏

• اَسی کیہڑے تِن طریقیاں نال آفت دا شکار ہون والے لوکاں دی مدد کر سکنے آں؟‏