ساڈی زندگی لئی ضروری گلاں
انٹرنیٹ تے دوستی کر دے ویلے ہوشیار رہوو
سچا دوست اوہ ہوندا اے جیہڑا توانوں پیار کرے تے تواڈی عزت کرے۔ ایہدی اِک مثال داؤد تے یونتن دی دوستی اے۔ ایہہ دوستی اوہدوں شروع ہوئی سی جدوں داؤد نے جولیت نُوں ماریا سی۔ (1-سموئیل 18:1) اوہناں دی دوستی ایس لئی اینی پکی سی کیونکہ اوہ اِک دُوجے دِیاں خوبیاں بارے جاندے سن۔ ایہدے توں پتہ چلدا اے کہ پکی دوستی لئی کسے نُوں چنگی طرحاں جاننا ضروری اے۔ تے اِنج کرن لئی کوشش کرنی پیندی اے نالے ایہدے چ وقت وی لگدا اے۔ پر اَج کل انٹرنیٹ تے اِک بٹن دباندیاں ای دوستیاں ہو جاندیاں نیں۔ ایہدے تے لوک اپنے بارے سچ نئیں دَسدے۔ ایس لئی سانوں پتہ نئیں چلدا کہ اوہ اصل چ کیہو جہے لوک نیں۔ تے فیر ایہہ چنگا ہوئے گا کہ اَسی انٹرنیٹ تے ہر کسے نال دوستی نہ کرئیے۔ جدوں انٹرنیٹ تے کوئی ساڈے نال دوستی کرنا چاہندا اے تے سانوں ایہہ نئیں سوچنا چاہی دا کہ جے اَسی دوستی نہ کیتی تے اوہنوں بُرا لگے گا۔ انٹرنیٹ تے غلط لوکاں نال دوستی کرن دے خطرے توں بچن لئی کجھ بھین بھرا انٹرنیٹ تے دوستی کردے ای نئیں۔ جے اَسی انٹرنیٹ تے دوست بنانے آں تے سانوں کیہڑیاں گلاں دا دھیان رکھنا چاہی دا اے؟
ویڈیو ”انٹرنیٹ دے خطریاں توں خبردار رہوو“ نُوں ویکھو تے فیر ایہناں سوالاں دے جواب دَوو:
-
سانوں انٹرنیٹ تے تصویراں یاں فیر کوئی ہور چیز پوسٹ کرن توں پہلاں کیہڑیاں گلاں بارے سوچنا چاہی دا اے؟
-
سانوں انٹرنیٹ تے سوچ سمجھ کے دوست کیوں بنانے چاہی دے نیں؟
-
سانوں پہلاں توں کیوں طے کرنا چاہی دا اے کہ اَسی انٹرنیٹ نُوں کِنّی دیر تک استمال کراں گے؟—اِفسیوں 5:15، 16۔
