بوہت سارے لوک اِختیار رکھن والیاں تے بھروسا نئیں کردے۔ ایہدی کیہہ وجہ اے؟ کیونکہ انسان کئی سو سالاں توں اِختیار دا غلط استمال کر رہے نیں۔ (‏میکاہ 7:‏3‏)‏ اَسی بڑے شکرگزار آں کہ کلیسیا دے بزرگاں نُوں ایہہ تربیت دِتی جاندی اے کہ اوہ اپنے اِختیار نُوں ساڈی بھلائی لئی استمال کرن۔—‏آستر 10:‏3؛‏ متی 20:‏25، 26‏۔‏

کلیسیا دے بزرگ دُنیا چ اِختیار رکھن والیاں توں بالکل فرق نیں۔ اوہ نگہبانی دا کم ایس لئی کردے نیں کیونکہ اوہ یہوواہ تے اوہدے لوکاں نُوں پیار کردے نیں۔ (‏یوحنا 21:‏16؛‏ 1-‏پطرس 5:‏1-‏3‏)‏ یسوع دی ہدیت دے مطابق، ایہہ چرواہے ہر مبشر دی مدد کردے نیں کہ اوہ یہوواہ دے قریب رہوے تے اپنے آپ نُوں اوہدے خاندان دا حصہ سمجھے۔ اوہ یہوواہ دِیاں بھیڈاں دا حوصلہ ودھاندے نیں تاکہ اوہ اوہدے وفادار رہ سکن۔ جے کسے نُوں بیماری یاں قدرتی آفت دا سامنا ہوندا اے تے اوہ فوراً مدد کردے نیں۔ جے توانوں مدد دی لوڑ اے تے اپنی کلیسیا دے کسے بزرگ نال گل کرو۔—‏یعقوب 5:‏14‏۔‏

ویڈیو ‏”‏گلّے دی دیکھ‌بھال کرن والے چرواہے‏“‏ نُوں ویکھو تے فیر ایہناں سوالاں دے جواب دَوو:‏

• ماریانا نُوں بزرگاں وَلّوں مِلن والی مدد توں کیہہ فائدہ ہویا؟‏

  باوج اڈاوت

• الیاس نُوں بزرگاں وَلّوں مِلن والی مدد توں کیہہ فائدہ ہویا؟‏

  باوج اڈاوت

• ایہناں تجربیاں توں تُسی اوس محنت بارے کیہہ محسوس کردے او جیہڑی بزرگ کلیسیا چ کردے نیں؟‏

  باوج اڈاوت