جے کوئی توانوں پچھے کہ تُسی ایس گل تے ایمان کیوں رکھدے اوہ کہ ساریاں شیواں خدا نے بنائیاں نیں،‏ تے تُسی کیہہ جواب دَوو گے؟‏ ودھیا طریقے نال جواب دین لئی ضروری اے کہ تُسی ایہناں دو گلاں تے دھیان دَوو:‏ پہلی،‏ تواڈا اپنا ایمان ایس گل تے مضبوط ہونا چاہی دا اے کہ ساریاں شیواں خدا نے بنائیاں نیں۔‏ (‏رومیوں 12:‏1،‏ 2‏)‏ دُوجی،‏ توانوں سوچنا چاہی دا اے کہ تُسی کیویں دُوجیاں نُوں اپنے ایمان بارے سمجھاؤ گے۔‏—‏امثال 15:‏28‏۔‏

ویڈیو ‏”‏ہڈیاں دی اِک سرجن اپنے ایمان بارے دَسدی اے‏“‏ تے ‏”‏اِک ماہِرحیوانیات اپنے ایمان بارے دَسدا اے‏“‏ ویکھو تے غور کرو کہ کجھ لوک کنہاں گلاں دی وجہ توں ایہہ من دے نیں کہ ساریاں شیواں خدا نے بنائیاں نیں تے فیر ایہناں سوالاں دے جواب دَوو:‏

• بھین ایرینے اِرتقا دی بجائے ایہہ کیوں من دی اے کہ ساریاں شیواں خدا نے بنائیاں نیں؟‏

• بھرا یاراسلاف اِرتقا دی بجائے ایہہ کیوں من دا اے کہ ساریاں شیواں خدا نے بنائیاں نیں؟‏

• تُسی دُوجیاں نُوں ایہہ گل کیویں سمجھاؤ گے کہ ساریاں شیواں خدا نے بنائیاں نیں؟‏

• یہوواہ دی تنظیم وَلّوں کیہڑیاں کتاباں تے رسالے وغیرہ تواڈی زبان چ موجود نیں جنہاں دے ذریعے تُسی اپنا تے دُوجیاں دا ایمان ایس گل تے مضبوط کر سکدے او کہ ساریاں شیواں خدا نے بنائیاں نیں؟‏