یہوواہ خدا دے سارے خادم اوہدی عبادت لئی ایہو جہے چنگے کم کردے نیں جیہڑ‌ے اِک یادگار بن جاندے نیں۔‏ جیویں اِک پیو اپنے بچیاں دے چنگے کماں نُوں ہمیشاں یاد رکھدا اے اونویں ای یہوواہ ساڈے چنگے کماں تے اوس پیار نُوں یاد رکھدا اے جیہڑ‌ا اَسی اوہدے ناں لئی وکھاؤنے آں۔‏ (‏متی 6:‏20؛‏ عبرانیوں 6:‏10‏)‏ ایہہ سچ اے کہ ساڈے ساریاں چ فرق فرق خوبیاں نیں تے ساڈے ساریاں دے حالات وی فرق فرق نیں۔‏ پر جے اَسی دل نال یہوواہ دی خدمت کرنے آں تے سانوں خوشی مِلدی اے۔‏ (‏گلتیوں 6:‏4؛‏ کُلسّیوں 3:‏23‏)‏ کئی سالاں توں ہزاراں بھین بھرا بیت‌ایل چ خدمت کر رہے نیں۔‏ کیہہ تُسی بیت‌ایل چ خدمت کر سکدے او؟‏ جے نئیں تے کیہہ تُسی کسے ہور بھین یاں بھرا نُوں بیت‌ایل چ خدمت کرن دی ہلاشیری دے سکدے او؟‏ یاں فیر پہلاں توں ای بیت‌ایل چ خدمت کرن والے کسے بھین یاں بھرا دی مدد کر سکدے او تاکہ اوہ ایہہ خدمت جاری رکھ سکے؟‏

ویڈیو ‏”‏بیت‌ایل چ خدمت کرن لئی تُسی کیہہ کر سکدے او؟‏‏“‏ ویکھو تے فیر ایہناں سوالاں دے جواب دَوو:‏

• بیت‌ایل چ خدمت کرن دی سب توں اہم وجہ کیہہ ہونی چاہی دی اے؟‏

• بیت‌ایل چ خدمت کرن والے کجھ بھین بھرا ایس خدمت توں مِلن والیاں برکتاں بارے کیہہ کہندے نیں؟‏

• بیت‌ایل چ خدمت کرن لئی کیہڑیاں شرطاں تے پورا اُترنا ضروری اے؟‏

• بیت‌ایل چ خدمت کرن لئی تُسی کیہڑے فارم بھر سکدے او؟‏