6 اکتوبر 2018 نُوں واچ ٹاور بائبل اینڈ ٹریکٹ سوسائٹی آف پینسلوانیا دا اِک سالانہ اجلاس ہویا۔ ایس اجلاس چ دو نوِیاں کتاباں دا اعلان کیتا گیا۔ اِک کتاب سی ‏”‏پیور ورشپ آف جیہوواہ—‏ریسٹورڈ ایٹ لاسٹ!‏‏“‏ ‏(‏یہوواہ خدا دی عبادت آخرکار بحال ہو گئی)‏‏۔ ایس کتاب چ حِزقی‌ایل نبی دی پیشین‌گوئی دی وضاحت کیتی گئی اے۔ دُوجی کتاب سی ‏”‏تلیم دین تے پڑھن چ ماہر بنو‏۔“‏ ایہہ کتاب ساڈی پڑھن تے تلیم دین دی مہارت نُوں نکھارن لئّی تیار کیتی گئی اے۔‏

کتاب ‏”‏یہوواہ خدا دی عبادت آخرکار بحال ہو گئی“‏ انگریزی زبان وچ تے کتاب ‏”‏تلیم دین تے پڑھن چ ماہر بنو“‏ کئی دُوجیاں زباناں وچ jw ویب‌سائٹ تے jw لائبریری تے موجود اے۔ پر بعد چوں کتاب ‏”‏یہوواہ خدا دی عبادت آخرکار بحال ہو گئی“‏ نُوں دُوجیاں زباناں وچ وی شائع کیتا جائے گا۔‏

ایس اجلاس چ ایہہ اعلان وی کیتا گیا کہ گورننگ باڈی نے ساڈی ویب‌سائٹس تے ساڈی ایپس دے ڈیزائن چ کجھ تبدیلیاں کرن دی منظوری دے دِتی اے۔ ویب‌سائٹ jw.org نُوں نویں سرے توں ڈیزائن کر کے ایہدے چ ‏”‏جے‌ڈبلیو براڈکاسٹنگ‏“‏ تے ‏”‏یہوواہ دے گواہواں دی آن‌لائن لائبریری‏“‏ دے کجھ حصے وی شامل کیتے جان گے۔ ایہدے علاوہ ‏”‏جے‌ڈبلیو لائبریری‏“‏ ایپ چ ‏”‏واچ ٹاور لائبریری‏“‏ دے اوہ حصے شامل کیتے جان گے جیہڑے صرف ویب‌سائٹ jw.org تے نظر آؤندے نیں۔ ایس طرحاں نوِیں ویب‌سائٹ تے نوِیں ایپ اِکو جہیاں نظر آؤن گیاں تے جنہاں نُوں استمال کرنا بڑا سوکھا ہوئے گا۔ مثال دے طور تے ایہہ ویکھن لئی کہ نوِیں ویب‌سائٹ تے نوِیں ایپ نُوں استمال کرنا اوکھا تے نئیں، ایہناں دے خاص خاص حصیاں نُوں ہور اسان بنا دِتا جائے گا تاکہ استمال کرن والیاں نُوں ایہناں توں روحانی خوراک اسانی نال مِل جائے۔ ایس منصوبے تے کم شروع ہو گیا اے تے تھوڑے ای مہینیاں وچ توانوں ساڈی ویب‌سائٹ تے کجھ تبدیلیاں نظر آؤن گیاں۔‏