خدا سب کجھ ویکھ سکدا اے تے اوہ جو چاہوے تے جِتھے چاہوے کجھ وی کر سکدا اے۔ (‏امثال 15:‏3؛‏ عبرانیوں 4:‏13‏)‏ پر پاک کلام چ ایہہ تلیم نئیں دِتی گئی کہ خدا ہر جگہ تے ہر شے وچ موجود اے۔ ایہدی بجائے پاک کلام توں پتہ چلدا اے کہ خدا اِک ہستی اے تے اوہ اِک مخصوص جگہ تے رہندا اے۔‏

•   خدا کیہو جیہا وجود رکھدا اے؟‏ خدا روح اے۔ (‏یوحنا 4:‏24‏)‏ انسان اوہنوں ویکھ نئیں سکدے۔ (‏یوحنا1 :‏18)‏ پاک کلام چ جدوں وی کسے رویا چ خدا دی موجودگی دا ذکر کیتا گیا اے تے نال ایہہ وی دَسیا گیا اے کہ اوہ اپنے تخت تے بیٹھا ہویا اے۔ پاک کلام چ ایہو جہی کوئی گل نئیں لکھی ہوئی جدے توں پتہ چلے کہ خدا ہر جگہ موجود اے۔—‏یسعیاہ 6:‏1، 2؛‏ مکاشفہ 4:‏2، 3،‏ 8‏۔‏

•   خدا کتھے رہندا اے؟‏ پاک کلام چ خدا بارے دَسیا گیا اے کہ اسمان اوہدی سکونت‌گاہ اے۔ (‏1-‏سلاطین 8:‏30‏)‏ ایہدا مطلب اے کہ خدا زمین تے یاں کائنات چ کسے ہور جگہ تے نئیں رہندا سگوں اسمان تے رہندا اے۔ پاک کلام چ اِک ایہو جہے موقعے بارے دَسیا گیا اے جدوں فرشتے یہوواہ دے حضور حاضر ہوئے۔‏ a (‏ایوب 1:‏6‏)‏ ایہدے توں پتہ چلدا اے کہ خدا اِک مخصوص جگہ تے رہندا اے۔‏

جے خدا ہر جگہ موجود نئیں تے فیر کیہہ اوہ واقعی اپنے ہر بندے دی مدد کر سکدا اے؟‏

 خدا سانوں ساریاں نُوں بوہت پیار کردا اے۔ بھانویں خدا اسمان تے رہندا اے پر اوہنوں اوہناں سارے لوکاں دی بڑی فکر اے جیہڑے دلوں اوہنوں خوش کرنا چاہندے نیں تے اوہ اوہناں دی مدد وی کردا اے۔ (‏1-‏سلاطین 8:‏39؛‏ 2-‏تواریخ 16:‏9‏)‏ ذرا غور کرو کہ یہوواہ خدا اپنے اوہناں بندیاں لئی فکرمندی کیویں وکھاندا اے جیہڑے سچے دل نال اوہدی عبادت کردے نیں:‏

•   جدوں اوہ دُعا کردے نیں:‏ جدوں اَسی یہوواہ خدا کولوں دُعا کرنے آں تے اوہ فوراً ساڈیاں دُعاواں دا جواب وی دے سکدا اے۔—‏2-‏تواریخ 18:‏31‏۔‏

•   جدوں اوہ پریشان ہوندے نیں:‏ یہوواہ شکستہ دل لوکاں دے نیڑے وے تے دُکھی لوکاں نُوں بچاندا اے۔—‏زبور 34:‏18‏۔‏

•   جدوں اوہناں نُوں رہنمائی دی لوڑ ہوندی اے:‏ یہوواہ خدا سانوں اپنے کلام بائبل دے ذریعے تلیم دیندا اے تے جیہڑی راہ تے سانوں چلنا چاہی دا اے اوہدے بارے سانوں دَسدا اے۔—‏زبور 32:‏8‏۔‏

ہر جگہ خدا دی موجودگی بارے غلط نظریے

 غلط نظریہ:‏ زبور 139:‏8 چ دَسیا گیا اے:‏ جے مَیں اسمان تے چڑھ جانواں تے اوتھے تُوں ایں۔ جے مَیں قبر چ بستر وچھانواں تے ویکھ!‏ تُوں اوتھے وی ایں۔ تے فیر ایہدا مطلب اے کہ خدا ہر جگہ موجود اے۔‏

 سچائی:‏ ایس ایت چ خدا دے کسے جگہ موجود ہون دی گل نئیں کیتی جا رہی۔ سگوں ایتھے شاعری دے انداز وچ ایہہ گل دَسی جا رہی اے کہ کوئی وی جگہ خدا دی پونچ توں دُور نئیں اے جِتھے اوہ ساڈی مدد نئیں کر سکدا۔‏