Wie aula haben mau weinich Tiet toom perseenlich studieren. Woo kaust du dise Tiet daut baste utnutzen? Ieeschtens: Sie nich too bosich. Daut es bäta, daut du een kjlienet Poat deep studieescht, aus daut du een deel bloos bowenäwa deist.

Dan äwalaj, waut du daut ieeschte studieren west (Efs. 5:15-16). Dit kaun die halpen:

• Läs jieda Dach de Bibel (Psa. 1:2). Du wurscht kjennen met dee Kapitels aunfangen, waut wie bie daut Toopkomen enne Wäakj derchnämen.

• Moak die fa daut Woaktorm-Studium un fa daut Toopkomen enne Wäakj reed. Moak die uk Auntwuaten reed (Psa. 22:23).

• Doano, woo väl Tiet die noch äwablift, besee die uk daut aundre jeistelje Äten, soo aus de Bieekja, Videos ooda aundre Sachen, waut opp jw.org noppkomen.

• Studia soont, waut die intressieet. Sieekj die waut no äwa eenen Trubbel ooda eene Froag, waut du hast, ooda een aundret Teema enne Bibel, waut du wurscht jleichen bäta to vestonen.