Wie haben en onse Vesaumlungen soone Breeda un Sestren, waut Jehova aul lang jedeent haben. Wie kjennen väl von daut lieren, woo sea dee sikj opp Jehova veloten. Wie kjennen dee no de Jeschicht von Jehova siene Organisazion froagen un woo Jehova an jeholpen haft, äare Schwierichkjeiten to äwakomen. Wie wudden soone uk mol kjennen to ons Famieljenstudium enloden, soo daut dee ons waut von äare Erfoarungen vetalen kunnen.

Wan du een erfoarna Christ best, dan vetal de jinjre Christen wellich, waut du met Jehova beläft hast. Jakob un Josef vetalden äare Erfoarungen to äare Nokomen (1Mo 48:21-22; 50:24-25). Lota velangd Jehova von daut Famieljenhaupt, daut dee sullen äare Kjinja von siene groote Woakjen lieren (5Mo 4:9-10; Ps 78:4-7). Vondoag dän Dach kjennen de Elren un aundre enne Vesaumlunk de jinjre Menschen vetalen, waut fa Wundawoakjen see aul jeseenen haben, waut Jehova derch siene Organisazion haft tostaund jebrocht.

KJIKJ DAUT VIDEO DE EENICHKJEIT BEWOAREN, WAN ONS WOAKJ VEBODEN ES, UN DAN BEAUNTWUAT DISE FROAGEN:

• Woo holp daut Betel von Oostareich onse Breeda en eenje Lenda, wua ons Woakj veboden wia?

• Woo hilden de Breeda en dise Lenda äaren Gloowen stoakj?

• Wuarom veleeten en Rumänien väl Vekjindja Jehova siene Organisazion un woo kjeemen dee trigj?

• Woo stoakjen dise Erfoarungen dienen Gloowen?