60. KAPITEL
Komm wieda em Gloowen veraun
Hast du en de Tiet, wua du de Bibel studieescht, nich väl von Jehova jelieet? Daut haft die bat doa jebrocht, daut du am soo sea leefst, daut du die veleicht aul hast am hanjejäft un deepen jeloten. Un wan nich, dan west du daut woomäajlich boolt doonen. Oba met de Doop hieet eena nich opp, mea von Jehova to lieren. Du kaust Jehova fa emma noda komen! Woo schauft daut?
1. Wuarom wurscht du sellen Jehova emma noda komen?
Daut es needich, daut wie Fliet doonen, daut wie met Jehova emma jratre Frind woaren un em Gloowen stoakja woaren. Wuarom? “Daut wie nich doavon aufkomen” (Hebräa 2:1). Woo kjenn wie Jehova wieda tru deenen? Wan wie met prädjen drock bliewen un noch no aundre Mäajlichkjeiten sieekjen, woo wie mea fa am doonen kjennen (läs Filippa 3:16, NW). Jehova deenen es daut gaunz baste Läwen! (Psalm 84:11).
2. Met waut wurscht du noch sellen wiedamoaken?
Wan dien Bibelstudium met dit Buak nu uk to Enj kjemt, jeit dien Christenläwen oba wieda. De Schreft sajcht, wie sellen “niee Menschen woaren” (Efeesa 4:23-24). Du woascht emma mea von Jehova lieren un woo hee es, wan du wieda sien Wuat studieescht un bie de Toopkomes best. Proow, en dien Läwen emma dolla soo to woaren, aus hee es. Un doo wieda Endrungen moaken, wan daut needich es, om Jehova schaftich to moaken.
3. Woo woat Jehova die halpen, em Gloowen wiedatokomen?
De Schreft sajcht, daut Gott ons woat utlieren un ons woat “selfst opprechten un wada häastalen un stoakjen” un “enwartlen” (1. Petrus 5:10, Footnoot). Wie aula motten Vesieekjungen derchgonen. Oba Jehova jeft ons daut, waut ons fält toom dee wadastonen (Psalm 139:23-24). Hee vesprakjt ons, daut hee ons beides jäwen woat: dän Wellen uk de Krauft toom am tru deenen (läs Filippa 2:13).
DOLLA UNJASTONEN
Unjasto die daut, woo du kaust em Gloowen wiedakomen un woo Jehova die säajnen woat.
4. Räd wieda to dienen basten Frint un horch dän too
Bäden un de Bibel studieren haft die jeholpen, Jehova sien Frint to woaren. Woo kaun die daut halpen, am noch noda to komen?
Läst Psalm 62:9 un dan got toop dise Froag derch:
-
Woo kaust du die doarenn vebätren, woo du to Jehova bätst, om een jratra Frint met am to woaren?
Läst Psalm 1:2 un dan got toop dise Froag derch:
-
Woo kaust du dien Bibelläsen vebätren, om een jratra Frint met Jehova to woaren?
Woo kaust du mea doa rutschapen, wan du fa die selfst de Schreft studieescht? Toom seenen, woo eena daut wudd kjennen doonen, kjikjt daut VIDEO un dan got toop de Froagen derch, waut hia aunjejäft sent.
-
Woont von daut, waut dee en daut Video deeden, hieet sikj die moakhauftich?
-
Äwa waut wurscht du jleichen to studieren?
5. Nemm die väa, mea fa Jehova to doonen
Die em Deenst fa Jehova waut väatonämen, woat die halpen, em Gloowen wiedatokomen. Kjikjt daut VIDEO un dan got toop de Froag derch, waut hia aunjejäft es.
-
Woo kjeem Cameron daut togood, daut see sikj em jeisteljen waut väaneem, soo aus daut Video wees?
Wie kjennen nich aula no een aundret Launt trakjen toom doa prädjen. Oba wie kjennen ons aula waut väanämen, waut fa ons mäajlich es to doonen. Läst Spricha 21:5 un dan rät toop doaräwa, waut du die wurscht jleichen väanämen to doonen ...
-
en de Vesaumlunk.
-
em Prädichtdeenst.
Woo kaun dis Varsch die halpen, uk bat doa to komen, waut du die väanemst?
Eenjet, waut du die kaust väanämen
-
Vebäta daut, woo du bätst.
-
Läs de gaunze Bibel derch.
-
Lia aulem enne Vesaumlunk kjanen.
-
Fang aun, met wäm de Bibel to studieren.
-
Woa Pionia ooda Pioniahelpa.
-
Wan du een Brooda best, dan sträw doano, Deenstaumthelpa to woaren.
6. Een scheenet Läwen fa emma!
Läst Psalm 22:26 (NW) un dan got toop dise Froag derch:
-
Waut kaust du doonen, daut du nu aul een scheenet Läwen hast un uk fa emma?
KAPITEL TOOPJEFOT
Komm Jehova emma noda un komm uk em Gloowen veraun. Dan woascht du kjennen fa emma een scheenet Läwen haben!
Waut hast du jelieet?
-
Wuarom kaust du die doaropp veloten, daut Jehova die halpen woat, am tru to deenen?
-
Woo kaust du Jehova emma noda komen?
-
Woo kaun die daut halpen, em Gloowen wiedatokomen, wan du die em Deenst fa Jehova waut väanemst?
MEA NOSIEEKJEN
Waut räakjent Jehova mea: Wan wie eemol waut besondret fa am doonen ooda am ons Läwen lank tru sent?
Mau rajcht soone, waut Jehova tru deenen, kjennen äare Freid velieren. See, woo dee jeit trigjtokjrieen.
Woo kaust du die em jeisteljen waut väanämen un daut uk volbrinjen?
“Nemm die waut väa, waut dienen Schepfa ieet” (De Woaktorm, 15. Juli 2004)
Wuarom es daut wichtich, een stoakja Christ to woaren, un woo kaun eena daut doonen?
“Woa aus Christ stoakja – ‘De groota Dach fa däm HARN es dicht bie’” (De Woaktorm, 15. Mei 2009)
Veleicht jleichst du uk dit
WAUT FOAKEN JEFROACHT WOAT
Woo es een Bibelstudium met Jehova siene Zeijen?
Wan Jehova siene Zeijen emsonst met die de Bibel studieren, dan kaust du soone Bibel brucken, aus du west. Doa kaun diene gaunze Famielje met bie sennen un uk Frind, wan du dee enloden west.
