20. KAPITEL
Woo de Vesaumlunk oppjestalt es
Jehova es een Gott, waut opp Ordninj helt (1. Korinta 14:33). Un doawäajen es daut uk kloa, daut sien Volkj Ordninj haft. Woo es de Christenvesaumlunk oppjestalt? Woo kjenn wie methalpen, daut aules fein schauft?
1. Wäa es daut Haupt von de Vesaumlunk?
“Christus [steit] äwa siene Jemeent” (Efeesa 5:23). Jesus leit vom Himmel aules, waut Jehova sien Volkj oppe gaunze Welt deit. Hee haft doatoo dän truen un weisen Kjnajcht aunjestalt – daut es eene kjliene Grupp Eltestasch met väl Erfoarunk, waut uk de Väastaunt jenant woat (läs Matäus 24:45-47). De Väastaunt lat aule Vesaumlungen weeten, waut jedonen saul, krakjt soo aus de Apostel un Eltestasch daut ieeschtemma en Jerusalem deeden (Aposteljeschicht 15:2). Doatoo sieekjen dee enne Schreft no Rot toom seenen, waut Jehova velangt. Oba dise Mana sent nich de Leida; dee sent Jesus unjadon, wiels hee daut Haupt es.
2. Waut es de Eltestasch äare Oppgow?
Eltestasch sent erfoarne Christen. Dee lieren Jehova siene Deena ut de Schreft un stonen dee bie. Dee kjrieen nich betolt fa äare Oabeit. Dee doonen daut “jieren, nich ut Jewennsucht, oba leeftolich, aus een Deenst fa dän Harn” (1. Petrus 5:1-2). De Eltestasch kjrieen Help von Mana, waut Deenstaumthelpa jenant woaren. Un dee kjennen met de Tiet uk Eltestasch woaren.
De Väastaunt stalt eenje Eltestasch aun toom Vesaumlungen besieekjen un de Breeda un Sestren halpen un stoakjen. Daut sent Kjreisoppsechtasch. Dise stalen Eltestasch un Deenstaumthelpa aun, wan dee daut nokomen, waut de Schreft von soone Mana velangt (1. Timotäus 3:1-10, 12; Titus 1:5-9).
3. Waut mott een jieda eena von Jehova siene Zeijen nokomen?
Aula en de Vesaumlunk sellen “dän HARN sienen Nomen lowen”. Dee doonen daut, wan dee bie de Toopkomes metmoaken un prädjen gonen, doano aus an daut mäajlich es (läs Psalm 148:12-13).
DOLLA UNJASTONEN
Lia, waut von Leida Jesus es, woo de Eltestasch am proowen notodoonen un woo wie kjennen met Jesus un de Eltestasch toopschaufen.
4. Jesus es een leeftolja Leida
Jesus deit ons waut scheenet aunbeeden. Läst Matäus 11:28-30 un dan got toop dise Froag derch:
-
Waut von Leida es Jesus un woo sell wie ons bie am feelen?
Woo doonen de Eltestasch Jesus no? Kjikjt daut VIDEO.
De Schreft lieet dietlich, woo de Eltestasch äare Oabeit doonen sellen.
Läst Jesaja 32:2 un 1. Petrus 5:1-3 un dan got toop dise Froagen derch:
-
Waut denkjst du doaräwa, daut de Eltestasch aundre proowen bietostonen krakjt soo aus Jesus?
-
Woo doonen de Eltestasch Jesus noch no?
5. De Eltestasch lieren aundre derch äa Väabilt
Woo well Jesus haben, daut de Eltestasch äwa äare Oabeit denkjen sellen? Kjikjt daut VIDEO.
Jesus säd, woo dee sennen sellen, waut en de Vesaumlunk veroppgonen. Läst Matäus 23:8-12 un dan got toop dise Froag derch:
-
Waut denkjst du äwa dän Unjascheet tweschen woo Eltestasch no de Schreft no sellen sennen un waut du bie Gloowesleidasch jeseenen hast?
-
De Eltestasch hoolen sikj selfst un äare Famielje em jeisteljen stoakj
-
De Eltestasch kjemren sikj om aule en de Vesaumlunk
-
De Eltestasch doonen pinkjlich prädjen
-
De Eltestasch lieren aundre. Dee halpen uk reinmoaken un doonen aundre Sachen
6. Wie kjennen met de Eltestasch toopschaufen
De Schreft sajcht ons, daut et sea goot es, wan wie met de Eltestasch toopschaufen. Läst Hebräa 13:17 un dan got toop dise Froagen derch:
-
Wuarom sajcht de Schreft, daut wie dee sellen wellich jehorchen, waut en de Vesaumlunk veroppgonen? Woo denkjst du doaräwa?
Läst Lukas 16:10 un dan got toop dise Froag derch:
-
Wuarom es daut wichtich, emma met de Eltestasch tooptoschaufen, mau rajcht en de kjliene Sachen?
WAUT EENJE SAJEN: “Daut es goanich needich, to eene Jemeent jehieren.”
-
Wuarom jleefst du, es daut goot, een Poat von eene Vesaumlunk to sennen?
KAPITEL TOOPJEFOT
Jesus es daut Haupt von de Vesaumlunk un de Eltestasch sent am unjadon. Dee stonen ons bie un lieren ons derch äa Väabilt. Un doawäajen schauf wie wellich met dee toop.
Waut hast du jelieet?
-
Wäa es daut Haupt von de Vesaumlunk?
-
Woo halpen de Eltestasch de Vesaumlunk?
-
Waut mott jieda eena von Jehova siene Deena doonen?
MEA NOSIEEKJEN
Kjikj mol, woo sea de Breeda vom Väastaunt un de aundre Eltestasch om de Christen vondoag dän Dach bekjemmat sent.
Lia, waut de Kjreisoppsechtasch äare Oabeit es.
Läs, waut vonne wichtje Oppgow de Frues en de Vesaumlunk haben.
“Doonen bie Jehova siene Zeijen uk Frues prädjen?” (De Woaktorm, 1. Septamba 2012)
Unjasto die mol, woo sea de Eltestasch schaufen toom äare Gloowesbreeda biestonen.
“Christelje Eltestasch: Metoabeida aun onse Freid” (De Woaktorm, 15. Jaunewoa 2013)
Veleicht jleichst du uk dit
WAUT FOAKEN JEFROACHT WOAT
Woo es een Bibelstudium met Jehova siene Zeijen?
Wan Jehova siene Zeijen emsonst met die de Bibel studieren, dan kaust du soone Bibel brucken, aus du west. Doa kaun diene gaunze Famielje met bie sennen un uk Frind, wan du dee enloden west.
