15. KAPITEL
Wäa es Jesus?
Jesus es eena von de bekauntste Menschen, waut jeemols jeläft haft. Wan väle uk sienen Nomen kjanen, weeten dee oba nich väl waut äwa am. Un noch aundre haben veschiedne Iedeeen doaräwa, wäa Jesus krakjt es. Waut sajcht de Schreft en dän Stekj?
1. Wäa es Jesus?
Jesus es een majchtja Jeist, waut em Himmel läft. Jehova Gott muak dän noch ea hee aulet aundre muak. Doawäajen woat hee uk de Ieeschtjebuarna von de gaunze Schepfunk jenant (Kolossa 1:15, JHF). De Schreft nant Jesus uk Gott sienen “eensjen Sän”, wiels hee de eensja es, waut von Jehova auleen jemoakt wort (Johanes 3:16). Jesus schauft met sienen Voda Jehova toop un holp am, aulet aundre to moaken (läs Spricha 8:30). Jesus un Jehova feelen sikj noch emma sea no aun. Un Jesus es “daut Wuat”, wiels hee fa Gott rät un aundre tru Gott siene Norechten brinjt (Johanes 1:14).
2. Wuarom kjeem Jesus no de Ieed?
Soo bie 2000 Joa trigj muak Jehova een Wunda: met sienen heiljen Jeist deed hee Jesus sien himlischet Läwen en de Junkfru Maria äa Muttalief nenn, un soo wort Jesus aus Mensch jebuaren (läs Lukas 1:34-35). Jehova schekjt Jesus no de Ieed, daut dee sull de vesproakna Messias, ooda Christus, sennen un hee sull de Menschen raden. a Aules, waut de Schreft von dän Messias verutsäd, erfeld Jesus. Un daut holp de Menschen to seenen, daut hee “de Christus, dän läwendjen Gott sien Sän”, wia (Matäus 16:16).
3. Wua es Jesus nu?
Aus Jesus ieescht jestorwen wia, wuak Gott am wada opp aus eenen Jeist, daut hee kunn trigj nom Himmel komen. Un doa haft Gott am een huaget Aumt jejäft (Filippa 2:9). Nu haft Jesus sea väl Macht. Bloos Jehova es noch äwa dän.
DOLLA UNJASTONEN
Lia mea doaräwa, wäa Jesus werkjlich es un wuarom daut soo needich es, mea von am to lieren.
4. Jesus es nich de gaunz hechsta Gott
De Schreft lieet, daut wan Jesus uk een majchtja Jeist es em Himmel, es hee sienen Gott un Voda doch unjadon. Wuarom kjenn wie daut sajen? Kjikjt daut VIDEO un seet, waut no de Schreft no de Unjascheet es tweschen Jesus un dän gaunz hechsten Gott.
De Bibelvarzhen, waut hia aunjejäft sent, halpen ons to vestonen, woo daut tweschen Jehova un Jesus es. Läst jieda Varsch un dan got toop de Froagen derch, waut doa aunjejäft sent.
Läst Lukas 1:30-32.
-
Woo wiesen dän Enjel siene Wieed, daut Jesus un Jehova Gott, de Aulahechsta, nich deeselwje sent?
Läst Matäus 3:16-17.
-
Waut säd de Stemm vom Himmel, aus Jesus sikj deepen leet?
-
Waut jleefst du, wäms Stemm wia daut?
Läst Johanes 14:28.
-
Wäa es ella un haft mea to sajen: een Voda ooda een Sän?
-
Jesus säd, daut Jehova sien Voda wia. Waut lieet ons daut?
Läst Johanes 12:49.
-
Jleeft Jesus, daut hee un sien Voda eent un deeselwja sent? Waut jleefst du?
5. Daut wees sikj ut, daut Jesus de Messias wia
Gott haud dän Messias utjewält toom de Menschen raden. Enne Schreft sent väl Profezeiungen, waut de Menschen wudd halpen to seenen, woont de Messias wia. Kjikjt daut VIDEO un seet mol een poa Profezeiungen, waut Jesus erfeld, aus hee no de Ieed kjeem.
Läst dise Profezeiungen enne Schreft un dan got toop de Froagen derch, waut doa aunjejäft sent:
Läst Micha 5:1 toom lieren, wua de Messias sull jebuaren woaren. b
-
Erfeld dise Profezeiunk sikj, aus Jesus jebuaren wort? (Matäus 2:1).
Läst Psalm 34:21 un Sacharja 12:10 un seet, waut von dän Messias sienen Doot verutjesajcht wia.
-
Erfelden dise Profezeiungen sikj? (Johanes 19:33-37).
-
Jleefst du, kunn Jesus daut veuasoaken, daut dise Profezeiungen sikj erfelden?
-
Waut wiest die dit, wäa Jesus wia?
6. Ons es daut toom gooden, äwa Jesus to lieren
De Bibel sajcht, daut et sea wichtich es, äwa Jesus to lieren un waut Gott am oppjejäft haft to doonen. Läst Johanes 14:6 un 17:3 un dan got toop dise Froag derch:
-
Woosoo es daut soo needich, äwa Jesus to lieren?
Jesus muak dän Wajch op, daut wie kjennen Frind met Gott woaren. Hee lieed aundre de Woarheit äwa Jehova un derch am kjenn wie daut eewje Läwen kjrieen
WAUT EENJE SAJEN: “Jehova siene Zeijen jleewen nich aun Jesus.”
-
Waut wurscht du dee sajen?
KAPITEL TOOPJEFOT
Jesus es een majchtja Jeist. Hee es Gott sien Sän un de Messias.
Waut hast du jelieet?
-
Wuarom woat Jesus de Ieeschtjebuarna von de gaunze Schepfunk jenant?
-
Waut deed Jesus, ea hee no de Ieed kjeem?
-
Woo weet wie daut, daut Jesus de Messias es?
MEA NOSIEEKJEN
Lia mea doaräwa, woo wie weeten, daut Jesus de Messias es.
“Bewiesen de Profezeiungen ut de Schreft, daut Jesus de Messias wia?” (Artikjel opp jw.org)
Lia enne Schreft, waut doamet jemeent es, daut Gott Jesus sien Voda es.
“Wuarom woat Jesus Gott sien Sän jenant?” (Artikjel opp jw.org)
Kjikj, wuarom de Dree-Eenichkjeit nich eene biblische Lia es.
Läs, waut daut aun eene Fru deed, aus see sikj daut unjasocht, waut de Schreft äwa Jesus sajcht.
“Eene judische Fru vetalt, wuarom see äaren Gloowen fresch unjasocht” (Woat Waka!, Mei 2013)
a En Kapitel 26 un 27 woa wie noch seenen, wuarom de Menschen eene Radunk fält un woo Jesus ons rat.
Veleicht jleichst du uk dit
WAUT FOAKEN JEFROACHT WOAT
Woo es een Bibelstudium met Jehova siene Zeijen?
Wan Jehova siene Zeijen emsonst met die de Bibel studieren, dan kaust du soone Bibel brucken, aus du west. Doa kaun diene gaunze Famielje met bie sennen un uk Frind, wan du dee enloden west.
