13. KAPITEL
De faulsche Gloowes moaken Gott eenen schlajchten Nomen
Wan Gott Leew es, wuarom haben de Jemeenten, waut oppem deisent Gott sienen Wellen doonen, soo väl schlajchtet jedonen? Wiels daut sent faulsche Gloowes, waut de Menschen Läajes von Gott enbillen. Woo haben dee daut jedonen? Woo denkjt Gott doaräwa? Un waut woat hee doamet doonen?
1. Woo moaken de faulsche Gloowes Gott eenen schlajchten Nomen derch äare Lieren?
De faulsche Gloowes haben “Gott siene Woarheit fa Läajes vetuscht” (Reema 1:25). Biejlikj haben de mieeschte Jemeenten äare Menschen nich Gott sienen Nomen jelieet. Oba no de Schreft no mott wie dän Nomen brucken (Reema 10:13-14). Wan doa waut schlemmet passieet, dan sajen eenje Gloowesleidasch, Gott haft daut soo wult. Oba daut es plaut jeloagen. Gott veuasoakt kjeenmol waut schlajchtet (läs Jakobus 1:13). Wäajen soone Läajes wellen väle nuscht von Gott weeten.
2. Woo moaken de faulsche Gloowes Gott eenen schlajchten Nomen derch äare Woakjen?
De faulsche Jemeenten behaundlen de Menschen nich soo, aus Jehova deit. De Schreft sajcht, dee “äare Sinden rieekjen bat aum Himmel” (Openboarunk 18:5). Fa hundade Joaren haben de Jemeenten sikj mank Rejierungssachen jemenjt. Dee haben Kjrich unjastett un loten väl Menschen ombrinjen ooda haben daut fa goot jetalt, wan aundre daut deeden. Eenje Gloowesleidasch läwen huachhäa un dee äare Menschen motten Jelt hanstrakjen. Aul dit wiest, daut dee Gott nich mol kjanen un noch väl weinja daut Rajcht haben, en sienen Nomen to haundlen (läs 1. Johanes 4:8).
3. Woo denkjt Gott äwa de faulsche Gloowes?
Wan du die aul oajascht äwa daut, waut de faulsche Gloowes doonen, woo väl mea noch Jehova? Hee räakjent Menschen väl, oba hee oajat sikj äwa Gloowesleidasch, waut am eenen schlajchten Nomen moaken un de Menschen schlajcht behaundlen. Hee vesprakjt, daut de faulsche Gloowes woat venicht woaren un “daut dee nie[nich] mea woat to finjen sennen” (Openboarunk 18:21). Boolt woat Gott dee aula oppriemen (Openboarunk 18:8).
DOLLA UNJASTONEN
See mol noch mea, woo Gott äwa de faulsche Gloowes denkjt. Lia, waut de faulsche Gloowes aul aules jedonen haben un wuarom die daut nich wudd sellen doavon aufhoolen, mea von Jehova to lieren.
4. Gott nemt nich aule Gloowes aun
Een deel Menschen jleewen, daut de Gloowes soo sent aus veschiedne Wäaj, waut aula no Gott fieren. Oba es daut soo? Läst Matäus 7:13-14 un dan got toop dise Froag derch:
-
Waut sajcht de Schreft äwa dän Wajch, waut toom Läwen fieet?
Kjikjt daut VIDEO un dan got toop de Froag derch, waut hia aunjejäft es.
-
Sajcht de Schreft, daut et een deel Jemeenten jeft, waut Gott fa rajcht talt?
5. De faulsche Jemeenten wiesen nich soone Leew, aus Gott haft
De Jemeenten haben Gott opp veschiedne Wäaj eenen schlajchten Nomen jemoakt. Un besonda schlemm es daut, daut dee sikj em Kjrich nenmischen. Kjikjt daut VIDEO un seet, woo daut opp eene Sauz wia. Dan got toop de Froagen derch, waut hia aunjejäft sent.
-
Waut deeden väl Kjoakjen en dän Tweeden Weltkjrich?
-
Woo denkjst du doaräwa, waut dee deeden?
Läst Johanes 13:34-35 un 17:16. Dan got toop dise Froagen derch:
-
Waut jleefst du, woo denkjt Jehova, wan de Jemeenten sikj mankem Kjrich menjen?
-
De faulsche Gloowes sent schuldich fa väl schlajchtet. Wua hast du jeseenen, daut de Jemeenten nich soone Leew wiesen, aus Gott haft?
De faulsche Gloowes wiesen nich soone Leew, aus Gott haft
6. Gott well de Menschen von de faulsche Gloowes friemoaken
Läst Openboarunk 18:4 a un dan got toop dise Froag derch:
-
Woo denkjst du doaräwa, daut Gott deejanje well halpen, waut von de faulsche Gloowes veleit sent?
7. Hia nich opp, von dän woaren Gott to lieren
Sull die daut von Gott aufbrinjen, waut de faulsche Gloowes jedonen haben? Stal die mol väa: Een Voda haft sienen Sän goot belieet, oba de Sän nemt daut nich aun. Hee velat tus un fieet een schlajchtet Läwen. Oba de Voda es doa nich met envestonen, waut de Sän deit. Wuarom wudd daut orrajcht sennen, dän Voda wäajen dän Sän sien Läwen to beschuljen?
-
Wudd daut rajcht sennen, Jehova to beschuljen un opphieren, von am to lieren wäajen daut, waut de faulsche Gloowes doonen?
WAUT EENJE SAJEN: “Räd to mie nich von Jemeenten, daut es aules bloos een Jeheichel.”
-
Waut es diene Meenunk doaräwa?
-
Wuarom sell wie äwa Jehova nich schlajcht denkjen wäajen daut, waut de faulsche Gloowes doonen?
KAPITEL TOOPJEFOT
De faulsche Gloowes haben Gott eenen schlajchten Nomen jemoakt derch äare faulsche Lieren un daut schlajchte, waut dee doonen. Gott woat de faulsche Gloowes venichten.
Waut hast du jelieet?
-
Woo denkjst du äwa de Lieren von de faulsche Gloowes un äwa daut, waut dee doonen?
-
Woo denkjt Jehova äwa de faulsche Gloowes?
-
Waut woat Gott met de faulsche Gloowes doonen?
MEA NOSIEEKJEN
Hia kaust du tweeatlei seenen, woo de mieeschte Gloowes jäajen Gott gonen.
Wuarom well Gott haben, daut wie am sellen met aundre toop deenen?
Een Priesta stemd nich met siene Jemeent. Oba daut hilt am nich doavon auf, de Woarheit äwa Gott to lieren.
“Wuarom een Priesta siene Kjoakj veleet” (Woat waka!, Feebawoa 2015)
De Gloowes haben fa Joaren Läajes äwa Gott vetalt, daut hee minkj grausom es un nich om ons bekjemmat. Kjikj mol, woont dree von dee Läajes sent.
“Läajes äwa eenen leeftoljen Gott” (De Woaktorm, 1. Nowamba 2013)
Veleicht jleichst du uk dit
WAUT FOAKEN JEFROACHT WOAT
Woo es een Bibelstudium met Jehova siene Zeijen?
Wan Jehova siene Zeijen emsonst met die de Bibel studieren, dan kaust du soone Bibel brucken, aus du west. Doa kaun diene gaunze Famielje met bie sennen un uk Frind, wan du dee enloden west.
