5. KAPITEL
Derch de Schreft rät Gott to ons
De Schreft es een sea besondret Jeschenkj, waut Jehova ons jejäft haft. Dee es en 66 Bibelbieekja enjedeelt. Oba nu wundat eena veleicht: “Woo wort de Schreft jemoakt? Wäm siene Jedanken sent doabennen?” Well wie mol seenen, woo daut jekomen es, daut wie Gott sien Wuat haben kjennen.
1. Wan Menschen de Schreft oppschreewen, wuahäa kjemt dee dan von Gott?
De Schreft wort von soo bie 40 Mana oppjeschräwen un daut wia en eene Tiet von ojjefäa 1600 Joa, von 1513 v.Chr bat rom 98 n. Chr. Dise Mana wieren gaunz veschieden. Oba de gaunze Schreft paust toop. Woo jeit daut? Wiels dee rajcht jesajcht von Gott kjemt (läs 1. Tessalonicha 2:13). De Schriewa schreewen nich äare ieejne Jedanken opp. “Daut wia de Heilja Jeist en dise Menschen, dee an jeef, waut see von Gott räden sullen” (2. Petrus 1:21). a Gott brukt sienen heiljen Jeist toom dise Mana siene Jedanken enjäwen (2. Timotäus 3:16).
2. Fa wäm es de Schreft jeschräwen?
De goode Norecht von de Schreft kaun “aule Menschen von aule Velkja, . . . Stam un Sproaken” togood komen (läs Openboarunk 14:6). Meist jieda eena kaun de Schreft haben, krakjt endoont wua dee wont un waut vonne Sproak dee rät. Gott haft doano jeseenen, daut dee opp mea Sproaken to haben es, aus aule aundre Bieekja, waut et jeemols jejäft haft.
3. Woo haft Jehova de Schreft bat vondoag dän Dach beschizt?
De Schreft wort opp soont oppjeschräwen, waut nich lang hilt. Oba soone Mana, waut de Schreft väl wieet wia, schreewen dee emma wada krakjt met de Haunt auf. Wan Huachbeaumte uk haben jeprooft, de Schreft opptoriemen, sent doa doch Menschen jewast, waut äa Läwen opp Spell saden toom de Schreft beschitzen. Jehova haft daut nich toojeloten, daut irjentwaut ooda irjentwäa am doavon aufhoolen kaun, met ons to räden. De Schreft sajcht: “Gott sien Wuat blift emma stonen” (Jesaja 40:8).
DOLLA UNJASTONEN
Lia mea, woo Gott de Mana de Jedanken enjeef, waut de Schreft schriewen sullen. See uk, woo Gott de Schreft beschizt un waut hee deed, daut wie dee kjennen haben.
4. Von wäm de Schreft kjemt
Kjikjt daut VIDEO. Dan läst 2. Timotäus 3:16 un got toop dise Froagen derch:
-
Wan Mana de Schreft oppschreewen, wuarom woat dee dan Gott sien Wuat jenant?
-
Jleefst du, es daut mäajlich, daut Gott de Bibelschriewa kunn siene Jedanken weeten loten?
Wan een Oabeida uk eenen Breef schrift, komen de Iedeeen oba von dän Wieet. Biejlikj soo schreewen Menschen de Schreft opp, oba de Jedanken kjeemen von Gott
5. De Schreft haft väl derch must, oba es jebläwen
Wan de Schreft von Gott kjemt, wudd hee dee dan nich uk beschitzen? Fa Joaren proowden Rejierungsmana, de Schreft to venichten un Gloowesleidasch proowden, dee to vestäakjen. Oba väl Menschen haben de Schreft beschizt, wan dee uk Jäajna hauden ooda en Doodesjefoa wieren. Toom mol eent von dise Mana kjanen lieren, kjikjt daut VIDEO un dan got toop dise Froagen derch.
-
Wan du doaraun denkjst, waut se aules deeden toom de Schreft beschitzen, jankat die dee dan nich to läsen? Wuarom?
Läst Psalm 119:97 un dan got toop dise Froag derch:
-
Waut brocht väl Menschen bat doa, äa Läwen opp Spell to saten toom de Schreft äwasaten un vebreeden?
6. Een Buak fa aule Menschen
Daut haft noch kjeenmol een Buak jejäft, waut soo foaken äwasat wort un soo wiet vebreet es aus de Schreft. Läst Aposteljeschicht 10:34-35 un dan got toop dise Froagen derch:
-
Wuarom well Gott daut haben, daut sien Wuat soo foaken äwasat un soo wiet vebreet woat?
-
Waut jleichst du besonda von de Schreft?
Meist
100%
von aule Menschen oppe Welt
kjennen de Schreft opp eene Sproak haben, waut see vestonen
De gaunze Schreft ooda Poat doavon jeft daut opp äwa
3 000
Sproaken
5 000 000 000
Dit es daut Numma, woo väl Biblen se ojjefäa jemoakt haben,
un daut es väl mea aus aule aundre Bieekja
WAUT EENJE SAJEN: “De Schreft es bloos een oolet Buak, waut Menschen jeschräwen haben.”
-
Waut es diene Meenunk doaräwa?
-
Waut von Bewies jeft daut, daut de Schreft Gott sien Wuat es?
KAPITEL TOOPJEFOT
De Schreft es Gott sien Wuat un hee haft doano jeseenen, daut aule Menschen dee kjennen haben.
Waut hast du jelieet?
-
Waut bediet daut, wan daut sajcht, daut Gott de Menschen daut enjeef, de Schreft opptoschriewen?
-
Waut es fa die besonda, woo de Schreft beschizt bleef un woo dee äwasat un vebreet wort?
-
Gott haft soo väl jedonen, daut hee kaun to die räden. Woo denkjst du nu äwa am?
MEA NOSIEEKJEN
Läs, woo daut met de Bibel aunjefongen haft: von de ieeschte Buakrollen bat de vondoagsche Äwasatungen.
“Woo haft de Bibel bat nu kunt bestonen?” (Woat waka!, Nowamba 2007)
Lia, woo de Schreft dree groote Jefoaren es derchjekomen.
See, woo jefäadlich daut wia, de Schreft to äwasaten.
De Schreft es foaken aufjeschräwen un äwasat worden. Woo kaust du secha weeten, aus dee noch emma krakjt daut sajcht aus aum Aunfank?
a En daut 7. Kapitel woa wie seenen, daut de heilja Jeist Gott siene Krauft es.
Veleicht jleichst du uk dit
WAUT FOAKEN JEFROACHT WOAT
Woo es een Bibelstudium met Jehova siene Zeijen?
Wan Jehova siene Zeijen emsonst met die de Bibel studieren, dan kaust du soone Bibel brucken, aus du west. Doa kaun diene gaunze Famielje met bie sennen un uk Frind, wan du dee enloden west.
