Prophecy 6. Breddicha zu Leit Gans Ivvah di Eaht
Prophecy 6. Breddicha zu Leit Gans Ivvah di Eaht
“Un dess Effangaylium fumm Reich vatt gebreddicht zu di gans veld fa en zeiknis zu alli lendah, un no kumd’s end.”—MATTHÄUS 24:14.
● Di Vaiatea voond uf en glennah island in di Pacific Ocean in di area funn Tuamotu. Tuamotu is ufgmacht funn baut 80 glenni islands es ivvah 310,000 square miles sinn. Es voona yusht baut 16,000 leit datt. Avvah doch, Jehova Sei Witnesses henn kshvetzt mitt di Vaiatea un di anri leit es datt voona. Favass? Koss di Witnesses vella di goodi sacha sherra veyyich Gott Sei Reich mitt alli-ebbah, es macht nix aus vo si voona.
VASS FA PROOF HENN MA? Di goodi sacha veyyich Gott Sei Reich sinn am gebreddicht vadda gans ivvah di eaht. In 2010, henn Jehova Sei Witnesses ivvah 1.6 billion shtund kshpend di goodi sacha breddicha in 236 lendah. Sell veah baut saym es alli Witness en halb shtund shpenda in di ministry alli dawk. Ivvah di letshti zeyya yoah, henn si ivvah 20 billion diffandi publications es gebayst sinn uf di Bivvel, gmacht un naus gevva.
VASS DOON LEIT OFT SAWWA? Leit voahra shund fa dausends funn yoah am breddicha veyyich di Bivvel.
IS SELL VOAH? Vell, feel leit henn shund sacha gebreddicht veyyich di Bivvel. Avvah, mensht funn si henn yusht sell gedu fa’n katzi zeit un yusht inna glenni area. Jehova Sei Witnesses sinn organized fa di goodi sacha funn di Bivvel sherra mitt millions funn leit gans ivvah di veld. Di Witnesses henn ohkalda breddicha even vann samm funn di mensht powerful un veeshti roolahs boviaht henn si shtobba. * (Markus 13:13) Un Jehova Sei Witnesses vadda nett betzawld fa breddicha. Si gevva geahn funn iahra zeit, un si offera iahra publications fa free. Awl iahra eahvet is support bei dohnayshins.
VASS DAYTSHT DU SAWWA? Is’s “Effangaylium [adda di goodi sacha] fumm Reich” am gebreddicht vadda gans ivvah di eaht? Koss es deah prophecy am folfild vadda is, maynd sell es sacha zayla yusht glei bessah sei?
[Footnote]
^ par. 6 Fa may information, vatsh dee drei videos es gmacht sinn bei Jehova Sei Witnesses “Faithful Under Trials,” “Purple Triangles,” un “Jehovah’s Witnesses Stand Firm Against Nazi Assault.”
[Blurb]
“So lang es Jehova uns lost, zayla miah ohhalda eahnshtlich breddicha veyyich di goodi sacha funn’s Reich, un alles du es miah kenna fa shvetza mitt leit.”—2010 YEARBOOK OF JEHOVAH’S WITNESSES