Psalm 65:1-13
Zumm foah-singah. En Psalm fumm Dawfit.
65 Oh Gott, im shtilla lohbt da mensh dich in Zion,un vass eah diah fashprocha hott vatt gedu.
2 Oh du es gebaydah heahsht,awl mensha kumma zu diah.
3 Unsah sinda henn uns nunnah gedrikt,avvah du fagebsht unsah ivvah-dreddes.
4 Ksaykend is sellah es du raus laysht,un nayksht bringsht fa in dei foah-hohfa voona.Miah sinn zufridda mitt di gooda sacha funn deim haus,dei heilichah tempel.
5 Du gebsht uns andvat deich dei vundahboahri verka in gerechtichkeit,oh du Gott funn unsah saylichkeit,du es di hofning bisht biss an’s end funn di eaht,un biss an da veitsht vekk say,
6 du es di berga gmacht hosht mitt dei graft,un dei grohsi macht gvissa hosht,
7 du es di yacht fumm say shtill machsht,di yacht funn di vella,un’s rawsicha funn di mensha.
8 Selli es an’s end funn di eaht voonafashtauna sich an dei zaycha.Du machsht da meiyet un da ohvet sich froiya.
9 Du gebsht acht uf di eaht un vessahsht si;du machsht si oahrich fruchtboah.Di revvahra funn Gott sinn foll vassah;du faseiksht di eaht mitt frucht,un so bausht du’s land uf.
10 Du vessahsht di blooks-feicha gans haftich,un machsht di roiya ayva.Du machsht’s vayyich mitt reyyahun saykendsht’s bei’s vaxa macha.
11 Du krohnsht’s yoah mitt dei goodi eahn;datt vo du fabei kfoahra bisht sinn feel goodi sacha.
12 Di vayt-lendah in di vildahnis sinn gree,un di hivla sinn geglayt mitt frayt.
13 Di vayt-feldah sinn gedekt mitt shohf,un di feldah im deich mitt frucht.Si greisha naus mitt frayt un singa.
