Psalm 143:1-12
En Psalm fumm Dawfit.
143 Heich mei gebayt ab, oh HAH,heich vann ich roof fa bamhatzichkeit;in dei shtandhaftichkeit un gerechtichkeit,gebb miah andvat.
2 Gay nett in’s gericht mitt dei gnecht,fa fannich diah is nimmand levendiches gerecht.
3 Da feind is miah nohch kumma,eah hott mich nunnah in da bodda gedredda;eah hott mich gmacht im dunkla sei,vi selli es shund lang doht sinn.
4 Fasell is mei geisht shvach in miah,mei hatz in miah hott moot faloahra.
5 Ich meind noch di dawwa funn lang zrikk;ich denk ivvah awl di sacha es du gedu hosht,un denk zrikk an vass dei hend gedu henn.
6 Ich shtrekk mei hend naus zu diah,mei sayl is dashtich fa dich es vi en drukka land. (Sela)
7 Gebb miah kshvind andvat, oh HAH,mei geisht hott kenn hofning.Fashtekkel dei ksicht nett funn miah,adda ich va vi selli es nunnah in’s grawb gayn.
8 Loss mich funn dei shtandhaftichi-leevi heahra meiyets;ich habb mei fadrauwa in dich gedu.Veis miah da vayk es ich gay soll,ich hayb mei sayl uf zu diah im gebayt.
9 Mach mich frei funn mei feinda, oh HAH,ich gukk zu diah fa mich aus di kfoah nemma.
10 Lann mich fa dei villa du, fa du bisht mei Gott;loss dei goodah Geishtmich uf en ayvani pawt fiahra.
11 Fa’s goot funn dei nohma, oh HAH, loss mich layva;in dei gerechtichkeit bring mich aus meim druvvel.
12 In dei shtandhaftichi-leevi bring mei feinda zu nix;un bring selli um es mei sayl angsht macha,fa ich binn dei gnecht.
