Jeremia 14:1-22
14 Dess is es vatt fumm HAH es zumm Jeremia kumma is veyyich di drukka zeit im land:
2 “Juda is am heila,iahra shtett sinn am yammahra;si hokka uf em bodda am veina,Jerusalem greisht naus fa hilf.
3 Iahra reichi shikka iahra gnechta fa vassah hohla;si gayn naus an di sistahns,avvah si finna kenn vassah.Si kumma zrikk mitt leahri ksharra;si henn moot faloahra un sinn bedreebt,si dekka iahra kebb zu.
4 Veil kenn reyya im land is,is da bodda ufgedrikkeld;di bavvah sinn bedreebtun dekka iahra kebb zu.
5 Even di hash muddah im feldfalost iahra nei-geboahra yungesveil kenn graws datt vaxt.
6 Vildi aysla shtayn drovva uf di bludda hivla,un henka di zung raus vi vildi hund;iahra awwa sinn dreebveil kenn vayt vaxt.”
7 “Even vann unsah sinda geyyich uns zeiya,doch, oh HAH, du ebbes fa di sayk funn deim nohma.Unsah ivvah-dreddes is grohs;miah henn ksindicht geyyich dich.
8 Du bisht di Hofning funn Israel,unsah hilf an di zeit funn noht.Favass bisht du vi en fremdah im land,adda vi ebbah uf em vayk es yusht ivvah-nacht bleibt?
9 Favass bisht du vi en mann es fashtaund is,vi en mechtichah mann es nett helfa kann?Du bisht do unnich uns, oh HAH,miah sinn kaysa bei deim nohma,du uns nett falossa!”
10 Dess is vass da HAH sawkt veyyich sei leit:“Si gleicha do un datt rumm lawfa,un gleicha nett dihaym bleiva.So nemd da HAH si nett oh;eah denkt an iahra ungettlichkeit,un shtrohft si fa iahra sinda.”
11 No hott da HAH ksawt zu miah, “Du nett bayda es ich dee leit helfa soll.
12 Vann si fashta, zayl ich iahra roof nett abheicha; vann si brand-opfah un shpeis-opfah opfahra, zayl ich si nett ohnemma. In blatz funn sellem, zayl ich si umbringa mitt em shvatt, hungahs-noht un peshtelens.”
13 Avvah ich habb ksawt zu eem, “Oh Awlmechtichah HAH, di brofayda halda oh eena sawwa, ‘Diah zaylet’s shvatt nett sayna un zaylet kenn hungahs-noht havva. Ich gebb eich ayvichah fridda an demm blatz.’”
14 No hott da HAH ksawt zu miah, “Di brofayda sinn am leeya broffetzeiya in meim nohma. Ich habb si nett kshikt, adda en gebott gevva adda kshvetzt zu eena. Si broffetzeiya falshi kshichta zu eich, voah-sawwes un abgettahrei, un macha sich selvaht falshi sacha veis.
15 Fasell sawkt da HAH dess veyyich di brofayda es broffetzeiya in meim nohma: ‘Ich habb si nett kshikt, avvah doch doon si sawwa, “Es shvatt un hungahs-noht zayld nett in dess land kumma.” Selli sayma brofayda zayla umkumma deich’s shvatt un hungahs-noht.
16 Un di leit es si am broffetzeiya sinn ditzu zayla naus in di shtrohsa funn Jerusalem kshmissa sei, doht gmacht bei hungahs-noht un em shvatt. Es zayld nimmand datt sei fa si fagrawva, un aw nett iahra veivah, iahra boova adda iahra mayt. So zayl ich iahra aykni ungettlichkeit ausleahra uf si.’
17 Du solsht dess vatt sawwa zu eena:
‘Loss mei awwa-vassah ivvah-lawfa,loss es lawfa dawk un nacht unni ufheahra;fa mei leit, es sinn vi en unkeiyaht maydel zu miah,sinn veesht vay gedu,un sinn veesht kshlauwa vadda.
18 Vann ich naus in’s feld gay,dann sayn ich selli es umkumma sinn mitt em shvatt;vann ich in di shtatt gay,sayn ich leit am fahungahra.Di brofayda un preeshtah gayn rumm heah im landun vissa nett vass zu sawwa.’”
Di Leit Roofa Zumm HAH
19 Hosht du uns gans nunnah gedrayt?Dusht du Zion hassa?Favass hosht du uns so hatt kshlauwaes miah nett kayld sei kenna?Miah henn gvoaht fa fridda,avvah nix goodes is kumma.Miah henn gvoaht fa kayld sei,avvah miah henn yusht may angsht grikt.
20 Oh HAH, miah bekenna unsah gottlohs layva,un di sinda funn unsah feddah;miah henn ksindicht geyyich dich.
21 Fa di sayk funn deim nohma, du uns nett fa’achta;du dei hallichah kaynich-shtool nett fashohma.Denk an dei bund mitt uns,un du’s nett brecha.
22 Hott’s ennichi abgettah unnich di heida es reyya bringa kenna?Kenna di himla selvaht reyya runnah shikka?Nay, ’sis dich, oh HAH unsah Gott.Fasell is unsah hofning in diah,fa du bisht sellah es awl dee sacha dutt.
