Jeremia 13:1-27
13 Dess is vass da HAH ksawt hott zu miah: “Gay un kawf en shtikk duch un du’s um dei bauch rumm, avvah loss es nett nass vadda.”
2 So habb ich en belt gekawft, so vi da HAH ksawt hott, un habb’s um mei bauch rumm gedu.
3 No is es vatt fumm HAH es zvett mohl zu miah kumma un hott ksawt:
4 “Nemm’s belt um dei bauch rumm es du gekawft hosht, gay zumm Euphrates Revvah un fashtekkel’s in en riss in en felsa.”
5 No binn ich ganga un habb’s fashtekkeld am Euphrates Revvah, so vi da HAH mich gebodda hott.
6 Feel dawwa shpaydah hott da HAH ksawt zu miah, “Gay nau an da Euphrates un grikk’s belt es ich diah ksawt habb fa fashtekla datt.”
7 So binn ich zrikk an da Euphrates ganga un habb’s belt raus gegrawva un habb’s aus em blatz gnumma es ich’s fashtekkeld katt habb. Avvah’s voah nau fadauva un voah nix may veaht.
8 No is es vatt fumm HAH viddah zu miah kumma, un hott ksawt,
9 “Dess is vass da HAH sawkt: ‘In sellah saym vayk zayl ich da hohchmoot funn Juda un da grohs hohchmoot funn Jerusalem fadauva.
10 Dee ungettlicha leit es es nett doon fa mei vatt heicha, dee es iahra fashtokti hatza nohch gayn un anri gettah nohch gayn fa si deena un ohbayda, si zayla sei vi dess belt—goah nix veaht.
11 Fa so vi en belt um ebbah sei bauch rumm gebunna is, so habb ich’s gans haus funn Israel un’s gans haus funn Juda zu miah gebunna, so es si mei leit sei sella, mei nohma uf hayva un miah eah un hallichkeit bringa sella. Avvah si henn nett keicht,’” sawkt da HAH.
Eahdichi Vei-Tsheahs
12 “Sawk zu eena: ‘Dess is vass da HAH, da Gott funn Israel, sawkt, “Alli vei-boddel soll foll vei gmacht sei.”’ Un vann si sawwa zu diah, ‘Vissa miah nett goot genunk es alli vei-tsheah foll gmacht sei soll mitt vei?’
13 No sawk zu eena, ‘Dess is vass da HAH sawkt, “Ich zayl alli-ebbah es in demm land voond uf filla un ksoffa macha—awl di kaynicha es uf em Dawfit sei kaynich-shtool hokka, di preeshtah, di brofayda un awl di leit es in Jerusalem voona.
14 No shlakk ich si zammah un fabrech si vi tsheahs, aynah geyyich da annah, di feddah un aw iahra boova,” sawkt da HAH. “Ich zayl si nett davvahra un kenn bamhatzichkeit lossa mich shtobba funn si doht macha.”’”
Em Jeremia Sei Vanning Geyyich Hohchmoot
15 Heichet un nemmet acht, seind nett shtols,fa da HAH hott kshvetzt.
16 Gevvet hallichkeit zumm HAH eiyah Gotteb eah’s dunkel macht,eb eiyah fees shtolbahra uf di dunkla hivla.Diah vinshet fa helling avvah eah macht’s shvatz dunkel,un macht alles dreeb.
17 Vann diah nett abheichet,dann muss ich laynich heilaivvah hohchmoot vi sell;mei awwa doon biddahlich heila,un’s awwa-vassah lawft,veil em HAH sei drubb shohf kfanga sei zayld.
18 Sawk zumm kaynich un di kaynich-muddah,“Kummet runnah funn eiyah kaynich-shteel,fa eiyah shayni krohna sinn funn eiyah kobb kfalla.”
19 Di shtett in di saut sinn zu gmacht,un nimmand kann si uf macha.Gans Juda vatt fatt gedrawwa,folshtendich fatt gedrawwa.
20 Gukk uf un sayn sellies am funn di natt kumma sinn.Vo is di drubb shohf es diah gevva voah,dei shayni drubb shohf?
21 Vass sawwet diah vann da HAH selli ivvah eich shteld,selli es diah gmaynd hend es eiyah freind voahra?Zaylet diah nett shmatza havva,so vi en fraw es am en kind havva is?
22 Un vann du dich selvaht frohksht,“Favass gayt’s miah vi dess?”Es is veil du so feel sinda hoshtes dei rokk abgrissa vattun du fashohmd vasht.
23 Kann en mann sei haut en anrah kollah macha,adda en leopard sei blakka abnemma?Grawt so kansht du nett goot duveil du gegvaynd bisht fa letz du.
24 “Ich zayl eich ausnannah shtroiya vi shpraues gedrivva is beim vind aus di vildahnis.
25 Dess is dei lohn,es dayl es ich diah ausgmessa habb,”sawkt da HAH.“Veil du mich fagessa hosht,un dei fadrauwa in falshi gettah gedu hosht.
26 Ich selvaht zeek dei rokk ruff ivvah dei ksicht,so es dei shohm ksenna sei kann.
27 Ich habb dei aybrechahrei, dei hengshtahreiun dei shandlichi huahrahrei ksenna.Ich habb ksenna vi du dich fashohmd hoshtuf di hivla un in di feldah.Vay zu diah, oh Jerusalem,vann zaylsht du selayva rein vadda?”
