Feel leit henn kshtobt in di gmay gay because si greeya kenn kamfirt adda ensahs zu iahra questions es si henn veyyich layva. Vi sinn fasamlinga funn Jehova Sei Witnesses diffand? Vass kansht du ekshpekta datt?

Da joy es kumd fa bei leit sei es leevi veisa un ebbes drumm gevva veyyich nannah. Christians in Bivvel zeida voahra organized in congregations, un sinn zammah kumma fa Gott deena, di Bivvel shtodya, un nannah ufbauwa. (Hebräer 10:24, 25) Si voahra haebbi fa bei iahra spiritual breedah un shveshtra sei es recht leevi veisa zu nannah. (2 Thessalonicher 1:3; 3 Johannes 14) Miah doon’s saym ding heit, un henn da saym joy.

Lanna vi fa layva bei vass di Bivvel sawkt. Mansleit, veibsleit, un kinnah kumma awl zammah mitt-nannah so vi si sinn in Bivvel zeida. Selli es qualified sinn helfa uns sayna vi miah di Bivvel yoosa kenna in unsah alli dawk layva. (5 Mosi 31:12; Nehemia 8:8) Alli-ebbah dauf helfa singa un en part havva in di discussions so’s ma honor un praise gevva kenna zu unsah Gott.​—Psalm 35:18.

Da joy funn em sei glawva shteikah gmacht havva in Gott. Da Paulus hott ksawt: “Ich habb en falanga fa eich sayna, . . . so es miah nannah drayshta kenna in unsahm glawva es miah unnich nannah henn.” (Römer 1:11, 12.) Vann miah reklah zammah kumma mitt unsah breedah un shveshtra an unsah fasamlinga, macht sell unsah glawva shteikah un helft uns layva bei vass di Bivvel sawkt.

Du kansht zu unsah nekshti fasamling kumma un dess sayna fa dich selvaht. Leit zayla dich welcome shpiahra macha. Es kosht nix, un nimmand zayld kfrohkt vadda fa geld.

• Veah hott da example ksetzt fa da vayk es miah unsah fasamlinga henn?

• Vi kann’s uns helfa bei zu di fasamlinga gay?