CHELITAKL 134
A Rengalek a Sengk el Mla er a Dios
-
1. A sechal sel bo el loungalek
Ma redil le bor ngii a ngelekel,
E ngmla mor ngii a ngerechelir.
E tiang a sengk el bla lenguu
El terung el mlara Jehovah,
Luchul a klengar ma bltikerreng.
Ngmesterir a ruungalek a ulekrael
Me ngkmal kirir el mo oltirakl.
(CHORUS)
Kede mla nguu a klengeltengat
El ngii a mekreos el klengar.
Bo mungil lom’kerreu er ngii e
Mosis’cheklii ra ll’chul a Dios.
-
2. A tekoi’l bla ledung a Dios
A kirel blechoel el ngara rengum.
Molis’chakl el morar ngel’kem le
Ngerachel a kirem el rullii.
Mosaod el mor tir sel mdak loureor,
Me sel obekiis, me sel bo molengull
Me lak lobes ra klengar er tir,
Me bol seb’chir el mukngeltengat.
(CHORUS)
Kede mla nguu a klengeltengat
El ngii a mekreos el klengar.
Bo mungil lom’kerreu er ngii e
Mosis’cheklii ra ll’chul a Dios.
(Dirrek el momes er a Dut. 6:6, 7; Efe. 6:4; 1 Ti. 4:16.)
