A Telutk el Taem a Kmedang

NGDI uai a profet el Habakuk, e a redisaiplo er a Jesus a oureng el mo mesa ulebengelel a ringel. Sera lesubii el kmo ngngerang ngmo meruul a Rengedel a Dios el mo mesmechokl a tekoi er tia el beluulechad, e te uleker er a Jesus el kmo: “Msbedemam el kmo, a ikal tekoi ngmorngii er choingerang, e ngeral olangch a morngii kau sel mei [el oba klisiich er a Renged], ma ullebongel ra taem ra belulechad?” (Matteus 24:3) Me a longer er tir, e a Jesus a dilu el kmo ngdi ta el Jehovah el Dios a medengelii sel ulterekokl el taem el ngii el Renged a mo oba cherrungel el dereder er a beluulechad. (Matteus 24:36; Markus 13:32) Engdi a Jesus me a rebebil a ulemlaoch a bebil er a tekoi el mo duubech el mo olecholt el kmo seikid el taem a kmedang.​—Momes er a  baks el ngar er a kadikm.

Kau ngdiak mkengei el kmo aika el tekoi a domes el kmal betekngang er a chelecha el sils? A Jesus a dirrek el uluuchais el kirel a ureor er a klou el osisechakl el mo meketmokl er a beluulechad el rokir. Ngdilu el kmo: “Me tial evangkelio ra rengedel a Dios a mo oberk ra belulechad el rokir, el kirel locholt el bedul a bek el renged; e sola e ngmochu ullebongel.”​—Matteus 24:14.

Tia el tekoi a ngar er ngii er a chelecha el sils. A Resioning er a Jehovah a meruul er tia el ureor. Ngar er a bekord el 236 el beluu, e te betok er a 7 el miliol el Sioning a ouchais er a rechad aike el tekoi el bo loruul a Renged, e olengeseu er tir el mo kiei el oltirakl a melemalt el llechul a Dios, el ngii a soal el mo merrob a ringel me a chelebuul. Molemolem el mesuub el kirel a Rengedel a Dios me lebo er ngii a omeltkem el mo kiei er a beluulechad el diak a ringel er ngii el diak a ulebengelel.

[Baks el ngar er a 8 el llel]

 Bades el Melutk er a Uriul el Sils

MATTEUS 24:6, 7; CHOCHOLT 6:4

• Ngdiak a mekemad el uai ngii er a uchei

MATTEUS 24:7; MARKUS 13:8

• Meklou el desiu

• Bosech

LUKAS 21:11

• Bekoiueiuul el rakt

MATTEUS 24:12

• Delengerenger a mo obdois

• Ngmo mekelekolt a bltikerreng er a rechad

CHOCHOLT 11:18

• Melemall er a beluulechad

2 TIMOTEUS 3:2

• Ngibes er a udoud

• Diak lolengesenges er a redemerir me a rederrir

• Betik a rengrir er a di tir

2 TIMOTEUS 3:3

• Diak lechubechub

• Melaes

• Diak ledelodau a bek el blekeradel er a chelsel a beluu

• Betok el chad a chetirir a ungil

2 TIMOTEUS 3:4

• Betik a rengrir er a tameterreng el ngar er a uchei er a Dios

2 TIMOTEUS 3:5

• Te betok a remengeblad el kmo te Kristiano

MATTEUS 24:5, 11; MARKUS 13:6

• Ngmo betok a remesisiich el klsuul el profet

MATTEUS 24:9; LUKAS 21:12

• Odechelakl el mo er a remera el Kristiano

MATTEUS 24:39

• A rechad a mo diak lomtab a omengelechel el ngar er a Biblia

[Siasing el ngar er a 8 el llel]

A Resioning er a Jehovah a olisechakl er a rebebil el kirel a Rengedel a Dios el meliuekl er a beluulechad el rokir