Sel donguiu er a Biblia e ngsebeched el metik a mekreos el tekoi er a chelsel loeak a doruul a research. Engdi ngmekera dengai a mui el klungioled er ngii?

Bom dmolech el merriter a komakai el omesodel a cheldecheduch er a Biblia. El ua tiang, ngtecha milluches er ngii, ngmilluches er ngii el mo er techang, e lilechesii er oingerang. Ngmle uangerang a blekeradel, ngera dilubech er a uchei, e ngera dilubech er uriul?

Momtab a tekoi el msuub loeak om research a ker el ua: ‘Ngera te mle feel a rechad el losaod er tir? Ngera el blekeradel a lullecholt? Ngera uchul me ngungil kuukerebai a blekerdelir me a lechub ak mengeroid er ngak er a chouaisei el blekeradel?’

Moltaut a tekoi el msiluub el ngar er a omesiungem me a lechub e ngngar omerellem el mora rechad. Sel moruul el uaisei e ke ochotii a llomeserreng er a Dios, el ua lolekoi a Biblia el kmo: “Tirkel mellomes a rengrir bo lomdasu a ikal tekoi.”—Psa. 107:43.

• Tekoi el ngosukau: Momtab er a rolel e a suobel el Mekreos el Tekoi el Ngar er a Biblia el ngar er a midweek miting er kid a ngosukid el mo oltaut aike el dosuub. Tia el part a blechoel el ngar ngii a ker el sebeched el di kid loker, tekoi el sebeched el melebedebek el kirel, me a siasing el sebeched el merriter.