A rebechiil redil el mo Sioning a blechoel el sebechir el ngosuterir a rebecherir el mei er a klemerang lokiu a omerellir el oltirakl er a Kristus. Me nguaisei, engdi te locha mo chuarm el kemanget el taem. (1Pe 2:21-23; 3:1, 2) Me a lsekum e ke chuarm a chelebirukel el omeruul, e molemolem el mo mesisiich er a mekngit loba ungil. (Rom 12:21) A ungil kerebai er kau a sebechel kuk klou a lerellii er a tekingem.

Molasem el mo medengelii a uldesuel a bechim. (Fil 2:3, 4) Mochotii el kmo ke melatk er ngii e dirrek el oba klechubechub, e molasem er a tkurrebab el sebechem el remuul a ngerechelem el bechiil redil. E bo mungil orrenges. (Jak 1:19) E bo leklou a rengum e moterekeklii a rengul a bechim el kmo ngbetik a rengum er ngii. Ngmo lmuut me a lsekum a bechim a diak lolecholt a blekokuii e dirrek el diak loba omengull el bedulkau, engdi ngungil a rengum e le ke medengei el kmo a Jehovah a mengreos er a blakerreng er kau.​—1Pe 2:19, 20.

MOMES ER A VIDEO EL JEHOVAH STRENGTHENS US TO CARRY OUR LOAD, E MONGER AIKA EL KER:

• Ngmle uangera klengar er a Grace Li er a uchelel a chebechiielel?

• Ngera rirellii el mo soal a klemerang er a Biblia?

• Ngmilekera Sister Li e melemolem el outekangel a ringel er a uriul er a lemetecholb?

• Ngera mle nglunguchel a Sister Li el kirel a bechil?

• Ngera el klengeltengat a bla lengai a Sister Li el ungil omerellel me a dmolech el omengull er ngii a uchul?