5:5-7, 11

A chelebuul a dimlak leterebengii a chad me bo lak el sebechel el omudech er a delongelel ngii me a Jehovah. Ngmo lmuut er ngike el kot el chebuul el chad er a Israel me ngmle sebechel melenget er a tenget el lekengei er ngii a Jehovah a lsekum ngmsa sel kot el ungil er ngii. Ngsebechel melenget a merikengko, me nguaisei engdi a Jehovah milengerechir er sel “kot el ungil” merikengko el ua aike el luluusbech el kirir a rechetengakl el okiaksang. (Gen 18:6) Chelecha el taem, alta blekerdelel a klengar er kid a uchul me ngdiak el sebeched el msa Jehovah a betok engdi ngkongei a ‘tengetenged er odanges’ a lsekum e kede msang sel kot el ungil er kid.​—Heb 13:15.

Tia ngmekera melisiich er kau a lsekum e ngdikea el sebechem el meruul a betok e le ngsecherem a uchul me a lechub e ngdikea mesisiich el ua ngar er a mong?