Sel kot el Baskua a kmal mle klou a ultutelel. Ngar sel kesus, e a Farao er a bo lodengei el kmo a ketengel a mla mad e ngdilu er a Moses el kmo: “Morchedemiu el tuobed kemiu ma re chad er a Israel; bechititerir a re chedak e morael el mo mengull el meluluuch er a RUBAK el ua cho mullengit.” (Exo 12:31) A Jehovah ulechotii el kmo ngomekerreu er a rechedal.

Me sel domes er a reksi er a rechedal a Jehovah e ngsebeched el mesa el kmo, ngkmal dirk omekrael e omekerreu er tir. Tia mocholt er sel museum el ngar er a world headquarter el dai er ngii a kmo “A People for Jehovah’s Name.”

MOMES ER A VIDEO EL WARWICK MUSEUM TOURS: “A PEOPLE FOR JEHOVAH’S NAME,” E MONGER AIKA EL KER:

• Ngera te uluusbech er ngii a Remesuub er a Biblia er a uchelel a rak er a 1914 el olengeseu er a rechad el omekeroul er a klaumerang er tir er a Biblia, e mlo uchul a ngera el klungiaol?

• Ngera el omelsemai a mlo er ngii er a 1916 me a 1918, e ngera ochotii el kmo a Jehovah ulemekrael er a cheldebechel?

• Te mlekera rechedal a Jehovah e melemolem el oba blakerreng er a taem er odechelakl?

• Ngera el beches el klemedengei a lengiluu a rechedal a Jehovah er a 1935, e tia ngera ngrirellii el mo er tir?

• A lsekum e ke mla mo er tia el museum, e ngera ke milsang el silsichii a klaumerang er kau el kmo a Jehovah a omekrael e omekerreu er a rechedal?