A Abraham me a Sara a ungil kerebai el kirir a rubekel el kakull e kaubltikerreng. (Gen 12:11-13; 1Pe 3:6) Me nguaisei, engdi a chebechiielir a dimlak lecherrungel, me tir a dirrek el mle kirir loutekangel a omelsemai er a klengar er tir. Me ngera sebechir a rebechiil el chad el suub er a kerebai er a Abraham me a Sara?

Bo lungil a rolel a cheldecheduch er a delongeliu. Bo lengariou a rengum longer er a bechim alta e ngkesib a rengul. (Gen 16:5, 6) Moterekokl a temiu el mo dmak. E bo lokiu a tekingem me a omerellem e mochotii er a bechim el kmo ngbetik a rengum er ngii. E a ngaruchei er ngii el rokui, e bom kerekikl el terung el meruul er a ungil deleuill er kemiu lobengkel a Jehovah sel omdak el mesuub e moluluuch e moruul er a omesiungiu el terung. (Oli 4:12) A mesisiich el chebechiil a odengesii a Jehovah el Ngike el Uchelel a Chebechiil.

MOMES ER A VIDEO EL HOW TO STRENGTHEN THE MARRIAGE BOND, E MONGER AIKA EL BELDUKL EL KER:

• Ngar tia el video, e ngera bebil er a olangch el ochotii el kmo a Shaan me a Kiara a mekngtei a delongelir?

• Ngera uchul me ngklou a ultutelel er a chebechiil a ungil e bleketakl el rolel a cheldecheduch?

• Ngmilekerang a kerebai er a Abraham me a Sara e ngosuir a Shaan me a Kiara?

• Ngera el tekoi a lurruul a Shaan me a Kiara el lmuut el smisichii a chebechiielir?

• Ngera uchul me a bechiil el sechal me a redil a diak el kirir el mengerechir el kmo a chebechiielir a kirel el mo cherrungel?