Ngsebechir a rokui el chedal a Jehovah el mo meruul a ungil ureor el Jehovah a kmal diak lobes. Me ngdi ua chad el oungalek el betik a rengul er a rengelekel e diak lobes a ungil tekoi el bla leruul, a Jehovah a diak lobes a urered me a bltikerreng el dulechotii el kirel a ngklel. (Mt 6:20; Heb 6:10) Nguaisei, engdi kid el rokui a kakerous a duch er kid me a blekerdelel a klengar er kid. Engdi, a lsekum e kede mora tkurrebab el sebeched el meruul er a omesiunged el mora Jehovah, e ngsebechel el mo dmeu a rengud. (Gal 6:4; Kol 3:23) Ngar aika el mereko el rak, e te betok el telael el rudam me a rudos a milsiou el ngar er a Bethel. Me kau ngsebechem el mo mesiou el ngar er a Bethel? E a lak, e ngsebechem el melisiich er a ta er a chad el mo mesiou el ngar er a Bethel me a lechub e ke ngosuir a chedal a telungalek er kau el mesiou el ngar er a Bethel me lolemolem el meruul er tia el ileakl el rolel a omesiou?

MOMES ER A VIDEO EL MAKING YOURSELF AVAILABLE FOR BETHEL SERVICE, E MONGER AIKA EL KER:

• Ngera moktek er kid el rullid el mo soad el mesiou el ngar er a Bethel?

• Ngera uldesuir a rebebil el kirel a klengeltengat el mo er ngii e le tir el mesiou el ngar er a Bethel?

• Ngera kirir a rechad el meruul me bo el sebechir el mesiou el ngar er a Bethel?

• Ke mekera e mo sebechem el apply el mo mesiou el ngar er a Bethel?