“A Dios a dilokou a Chedaol Llechukl el rokui er a dingerir a re milluches.”​—2 Timothy 3:16.

Ungil el nger el kirel aike el meklou a ultutelel el ker er a klengar er kid.​—Osisechakl 2:1-5.

Melemalt el ulekrael el kirel a klengar er a bek el sils.​—Psalm 119:105.

Mera el omelatk el kirel a ngar medad el klebesei.​—Rom 15:4.

Chochoi, kesengil e ngar er ngii a edei el uchul:

• Ngmelekoi er a di ta el tekoi. A Biblia a lulluches er ngii a rebekord el 40 el kakerous el chad er a kuk betok er a 1,600 el rak. A ruumesingd er tir a dimlak el kaodengei. Engdi tia el rokir el babier a melekoi er a di ta el tekoi, el di tang a dai er ngii!

• Melemalt el reksi. A remeluches a reksi a blechoel el mereched el omart aike el chelitecheterir a rechederir. Engdi a remilluches er a Biblia a mle bleketakl el ouchais aike el telemellir me a chelitechetul a rengedir.​—2 Kronika 36:15, 16; Psalm 51:1-4.

• Melemalt el ulaoch. A Biblia a ulemlaoch el kirel a telemellel a Babilon er a bekord el 200 el rak er a uchei er a leduubech. (Isaia 13:17-22) Ngullecholt er a teletelel a bo lemetemall a Babilon e dirrek el ulechotii a ngklel ngike el chad el mo mesisiich er ngii!​—Isaia 45:1-3.

  A lmuut el betok el ulaoch er a Biblia a mlutaut el mo lmuut er aike el mekekerei el omesodel. E tiang a uaisei e le a Biblia a Tekingel a Dios.​—2 Petrus 1:21.