Lamentablemente, djabièrnè 24 di febrüari 2023, lo hasi un aña kaba ku e guera na Ukrania a kuminsá. Algun informe ta indiká ku mas o ménos 300.000 sòldá di Ukrania i di Rusia a muri of ser heridá. Ademas, e informenan ta indiká ku mas o ménos 30.000 hende sivil a pèrdè nan bida den e guera akí. Sinembargo, ta posibel ku e sifranan ta muchu mas haltu.

 Ta tristu pa bisa, pero parse ku e guera akí lo no kaba por lo pronto.

•   “Kasi un aña a pasa desde ku e sòldánan di Rusia a invadí Ukrania, i no ta parse ku tin un solushon pa e guera akí. Ni Rusia ni Ukrania no ta serka di logra un viktoria. Ademas, no tin muchu progreso den e negosiashonnan pa pas.”—NPR (National Public Radio), 19 di febrüari 2023.

 Ku bon motibu, hopi hende ta masha preokupá tokante e sufrimentu ku e guera akí i otro konflikto ta kousa pa hende inosente rònt mundu. Ki speransa Beibel ta duna? Guera lo kaba un dia?

 Beibel ta papia di un guera ku lo trese salbashon pa humanidat. E guera ei lo no destruí tur hende. Beibel ta yama e guera ei Armagedon. Beibel ta deskribí e guera ei komo ‘e guera ku lo tuma lugá riba e gran dia di Dios Todopoderoso.’ (Revelashon 16:14, 16) Dios lo usa e guera ei pa kaba ku tur gobernashon humano ku ta responsabel pa tur e gueranan destruktivo ku tin. Pa haña sa kon Armagedon lo trese pas duradero riba tera, lesa e siguiente artíkulonan:

•   “Kiko e Guera di Armagedon Ta?”

•   “Armagedon Ta Bon Notisia!”