Pregunta Ku Beibel Ta Kontestá
Nos por haña sa e bèrdat tokante Dios?
Dikon Dios ke pa nos haña sa e bèrdat? Lesa Huan 17:3
Dios a usa su spiritu santu, òf forsa aktivo, pa komuniká ku hende. El a pone su pensamentunan den mente di e eskritornan di Beibel. (2 Pedro 1:20, 21) Pues, nos por haña sa e bèrdat tokante Dios ora nos lesa Beibel.—Lesa Huan 17:17; 2 Timoteo 3:16.
Den Beibel, Dios ta konta hopi kos tokante su mes. E ta konta dikon el a krea hende, kiko lo e bai hasi pa humanidat i kon e ke pa nos hiba nos biba. (Echonan 17:24-27) Yehova Dios ke pa nos haña sa e bèrdat tokante dje.—Lesa 1 Timoteo 2:3, 4.
Dikon Dios ta aseptá hende ku ke haña sa e bèrdat?
Yehova ta Dios di e bèrdat, i el a manda su Yu, Hesus, pa siña hende e bèrdat. P’esei, hende ku ke haña sa e bèrdat ke siña mas tokante Hesus. (Huan 18:37) Ta hende asina Dios ke pa ta su sirbidónan.—Lesa Huan 4:23, 24.
Satanas e Diabel a plama siñansa falsu tokante Dios pa stroba hende di konosé Dios. (2 Korintionan 4:3, 4) Hende ku no ta stima loke ta bon ta interesá den e tipo di siñansanan ei. (Romanonan 1:25) Pero, miónes di hende di kurason sinsero ta haña sa e bèrdat tokante Dios ora nan tuma un kurso di Beibel.—Lesa Echonan 17:11.
Otro Artíkulo Interesante
TOKANTE NOS
Dikon Analisá Loke Beibel Ta Bisa?
Beibel ta duna kontesta pa e preguntanan importante di bida na miónes di hende rònt mundu. Abo ke ta un di nan?
