Pregunta Ku Beibel Ta Kontestá
Lo yega un dia ku nos lo tin un solo gobièrnu pa henter mundu?
Kon un solo gobièrnu pa henter mundu por uni hende di tur nashon? ISAÍAS 32:1, 17; 54:13
Imaginá bo kon un solo gobièrnu pa henter mundu por benefisiá humanidat. Awe hopi hende ta sufri pasobra nan ta masha pober, miéntras ku otronan ta masha riku. Pero un gobièrnu pa henter mundu ku ta komprondé kiko ta e nesesidatnan di su siudadanonan por sòru pa tur haña loke nan tin mester pa biba. Bo ta kere ku un dia hende lo por forma un gobièrnu asina?—Lesa Yeremías 10:23.
Atraves di historia, gobièrnunan a faya den hopi manera ku nan siudadanonan, foral ku esnan ku tin mas mester di yudansa. Algun gobièrnu ta inhumano. (Eklesiástes 4:1; 8:9) Ma Dios Todopoderoso a primintí di perkurá un gobièrnu ku lo remplasá tur otro gobièrnu, i su Gobernante sí lo perkurá pa hende.—Lesa Isaías 11:4; Daniel 2:44.
Kiko e Reino di Dios lo logra?
Yehova Dios a skohe un Gobernante ideal pa henter mundu, esta, su Yu, Hesus. (Lukas 1:31-33) Tempu Hesus tabata biba komo hende riba tera, e tabata kla pa yuda. Komo Rei, lo e uni hende di tur nashon i kaba ku tur sufrimentu.—Lesa Salmo 72:8, 12-14.
Ta tur hende lo aseptá Hesus komo Gobernante? Nò! Pero Yehova tin pasenshi. (2 Pedro 3:9) E ta duna hende oportunidat pa aseptá Hesus komo nan Gobernante. Pronto Hesus lo kaba ku mal hende for di riba tera i trese pas i siguridat rònt mundu.—Lesa Mikéas 4:3, 4.
Otro Artíkulo Interesante
E TOREN DI VIGILANSIA
Dios Lo Perkurá Ún Gobièrnu pa Goberná Henter Mundu?
E TOREN DI VIGILANSIA
E Reino di Dios—Un Gobièrnu sin Korupshon
Seis aspekto di e Reino di Dios ta mustra ku nunka e Reino akí lo bira korupto.
PREGUNTA KU BEIBEL TA KONTESTÁ
Kiko e Reino di Dios Lo Hasi?
Haña sa ki bendishon bo por ferwagt ora e Reino di Dios ta goberná e tera.
