Bo a tuma tempu pa lesa e edishonnan di e aña akí di E Toren di Vigilansia? Wèl, wak si bo por kontestá e siguiente preguntanan:

Santiago 5:11 ta bisa ku Yehova tin “masha kariño, kompashon i miserikòrdia.” Kiko esei ta sigurá nos?

Debí ku Yehova tin miserikòrdia, e ta pordoná nos pa e erornan ku nos kometé. Santiago 5:11 ta sigurá nos ku e ta kla pa yuda nos. Lo ta bon pa nos imit’é.—w21.01, pág. 21.

Dikon Yehova a duna algun persona outoridat?

Pasobra e stima nos. E echo ku el a duna algun persona outoridat ta laga ku den Su famia tin pas i tur kos ta kana na un manera ordená. Kada miembro di famia ku ta traha na armonia ku e areglo ei sa ken tin ku tuma desishon final i ken tin ku kumpli kuné.—w21.02, pág. 3.

Dikon un kristian mester paga tinu ora di usa teknologia pa manda i risibí mensahe?

Si un hende skohe pa usa teknologia pa manda i risibí mensahe, ta bon pa e para pensa ku ken lo e bai tin kontakto. Esei ta difísil pa hasi ora e chat group ta grandi. (1 Tim. 5:13) Tambe tin e peliger di plama notisia ku no ta konfirmá i di usa rumannan komo medio pa gana plaka.—w21.03, pág. 31.

Kua ta algun motibu ku Dios a permití Hesus sufri i muri?

Pa kuminsá, Hesus mester a muri na un staka pa libra e hudiunan di un maldishon. (Gal. 3:10, 13) Di dos, Yehova tabata prepará Hesus pa su asignashon komo Sumo Saserdote. Di tres, e echo ku Hesus a keda fiel te na morto a proba ku hende por keda fiel apesar ku nan ta pasa den prueba. (Yòb 1:9-11)—w21.04, pág. 16-17.

Kiko bo por hasi si ta difísil pa haña hende na kas?

Purba di prediká na un ora ku e chèns ta mas grandi ku hende ta na kas. Bo por purba di prediká na diferente lugá tambe. I bo por usa un otro método di prediká, manera skirbi karta.—w21.05, pág. 15-16.

Kiko Pablo tabata ke men ora el a bisa: “Pa medio di lei . . . mi a muri en konekshon ku lei”? (Gal. 2:19)

E Lei di Moises a saka imperfekshon humano na kla i a guia Israel na Kristu. (Gal. 3:19, 24) Debí na esei, Pablo aseptá Kristu. Asina ei, el a “muri en konekshon ku lei”; e no tabata mará mas na dje.—w21.06, pág. 31.

Kon Yehova di bèrdat ta e persona ku mas ta perseverá?

Yehova ta soportá ku konstantemente ta daña su nòmber, ku ta kuestioná si e tin derecho di goberná, ku algun di su yunan a rebeldiá kontra dje, ku konstantemente Satanas ta gaña riba dje i Su sirbidónan, ku su sirbidónan stimá ta sufri, ku su amigunan ta muri, ku hende malbado ta oprimí otro hende i ku hende ta birando mas i mas inmoral.—w21.07, pág. 9-12.

Kon Yosef a mustra pasenshi?

El a soportá trato inhustu di su rumannan. El a ser akusá pa algu ku e no a hasi i tabata será pa vários aña na Egipto.—w21.08, pág. 12.

Ki sagudimentu Ageo 2:6-9, 20-22 a profetisá?

E nashonnan a rechasá e mensahe di Reino, pero hopi hende a bin na e bèrdat. Pronto, e último sagudimentu lo tuma lugá ora e nashonnan ser destruí.—w21.09, pág. 15-19.

Dikon nos no mester stòp di prediká?

Yehova ta mira nos esfuerso i ta kontentu ku esei. Si nos no kansa ni stòp di prediká, nos lo haña bida eterno.—w21.10, pág. 25-26.

Kon Levítiko kapítulo 19 por yuda nos apliká e konseho: “Bira santu den tur boso kondukta”? (1 Ped. 1:15)

Pedro probablemente tabata sita for di Levítiko 19:2. Kapítulo 19 ta menshoná hopi manera ku nos por apliká 1 Pedro 1:15 den nos bida.—w21.12, pág. 3-4.