Mayornan, boso tin e responsabilidat di siña boso yunan tokante Yehova. (Efe. 6:4) Yehova su organisashon tin hopi artíkulo, vidio i kantika pa yuda boso ku esei. Kon boso por usa nan?

• Subi JW.ORG. Ei boso ta haña tur kos ku a ser publiká pa mucha i hóben, manera vidio, blachi pa klùr i blachi pa skirbi. a Pa haña nan, taip “Mucha” òf “Tiner” den e hòki pa buska.

• Skohe loke ta pas pa boso yu. Bou di e sekshon “Mucha” boso por haña aktividat ku boso por usa ku boso yu.

• Hasi nan huntu. No usa e vidio- ni e otro aktividatnan djis pa tene boso yu bezig. En bes di esei, hasi e aktividatnan huntu i yud’é bira amigu di Yehova.