Empatia ta e abilidat di komprondé otro hende su pensamentu, sintimentu, norma i balor i tambe loke nan tin mester. Hende por sinti ora nos tin empatia pa nan. Pa nos por mustra empatia, nos mester tin un deseo sinsero pa yuda otro hende. Ora nos mustra empatia den sirbishi, nos ta imitá e amor ku Yehova tin pa hende i e interes ku e ta mustra den nan. I esei ta atraé hende na Yehova. —Flp 2:4.

Empatia no ta djis un método ku nos ta usa pa siña hende. E ta inkluí e manera ku nos ta skucha i papia, nos aktitut, gesto i ekspreshon di kara. Nos ta demostrá empatia ora nos mustra interes sinsero den un hende. Nos ta tene kuenta ku loke ta interes’é, su kreensianan i su sirkunstansia. Nos ta dun’é konseho i yudansa práktiko, pero nos no ta pone preshon riba dje p’e kambia. Ora un hende ku nos prediká na dje aseptá nos yudansa, esei ta duna nos mas goso den nos sirbishi.

WAK E VIDIO HAÑA GOSO DEN E TRABOU DI HASI DISIPEL—MEHORÁ BO ABILIDATNAN—MUSTRA EMPATIA, I DESPUES KONTESTÁ E SIGUIENTE PREGUNTANAN:

• Kon Nita a mustra empatia ora Rubi tabata lat?

• Kon Nita a mustra empatia ora Rubi a bisa ku e tabatin demasiado strès i no tabata por studia?

• Kon Nita a mustra empatia ora Rubi a bisa ku e no ta masha organisá?