Kristiannan ta “un espektákulo teatral pa mundu.” (1Ko 4:9) P’esei, no mester sorprendé nos ku algun doño di kas ta opservá nos via bentana òf ta skonde pa skucha loke nos ta papia. Kisas e doño di kas tin kámara di siguridat ku ta permitié mira, skucha i graba nos. At’akí algun sugerensia kon pa mustra bon manera ora nos ta prediká di kas pa kas.—2Ko 6:3.

• Nos mester respetá privasidat di e doño di kas i no lur den su kas. No kome, bebe, papia na telefòn òf manda mensahe ora bo ta pará dilanti di porta di hende

• Ora bo ta pará dilanti di porta di hende, no bisa nada ku bo no ke pa e doño di kas tende. Tin publikadó ta preferá di no papia mes pa nan por konsentrá riba loke nan ta bai bisa ora e doño di kas sali.