Un di e mihó maneranan ku mayornan por yuda nan yunan haña sabiduria di Dios ta di yuda nan benefisiá di e reunionnan di kongregashon. Loke nos hóbennan ta mira i skucha na reunion i loke nan ta ekspresá den nan komentarionan por yuda nan siña tokante Yehova i bira su amigu. (Deu 31:​12, 13) Si bo ta un mayor, kon bo por yuda bo yu pa benefisiá mas tantu posibel di e reunionnan?

• Hasi esfuerso pa asistí na e reunionnan en persona.—Sl 22:22

• Sòru pa boso tin tempu pa asosiá ku e rumannan na Salòn di Reino, sea promé òf despues di reunion.—Heb 10:25

• Hasi sigur ku kada miembro di famia tin e publikashonnan ku nos ta studia na reunion, sea digital òf imprimí

• Yuda bo yu prepará un komentario den su mes palabra.—Mat 21:​15, 16

• Papia na un manera positivo tokante e reunionnan i e instrukshonnan ku bo ta haña einan

• Yuda bo yu partisipá den aktividat manera limpia Salòn di Reino i papia ku e rumannan di edat den kongregashon

Ta tuma tempu i esfuerso pa yuda bo yunan hala serka Yehova, i tin biaha bo por sinti ku bo no tin sufisiente energia pa hasi esei. Pero, bo por tin sigur ku Yehova lo yuda bo.—Isa 40:29.

WAK E VIDIO MAYORNAN, DEPENDÉ RIBA YEHOVA I SU FORSA, I DESPUES KONTESTÁ E SIGUIENTE PREGUNTANAN:

• Kon kansansio a afektá Zack i Leah?

  Bo kontesta

• Dikon mayornan mester akudí na Yehova pa forsa i yudansa?

  Bo kontesta

• Den ki manera Zack i Leah a dependé riba Yehova pa yudansa?

  Bo kontesta