Hopi hende awe tin un punto di bista negativo di hende ku ta den posishon di outoridat. Nos por komprondé dikon hopi hende ta sinti asina. Atraves di historia, hopi hende a usa nan outoridat na un manera robes. (Mik 7:3) P’esei, nos ta masha gradisidu ku e ansianonan den kongregashon ta entrená pa usa nan outoridat na bienestar di Dios su pueblo.—Èst 10:3; Mat 20:​25, 26.

Nos ansianonan no ta meskos ku otro hende den mundu ku tin outoridat. Loke ta motivá nan pa hasi nan trabou komo superintendente ta nan amor pa Yehova i pa su pueblo. (Hua 21:16; 1Pe 5:​1-3) Bou di Hesus su guia, e wardadónan akí ta yuda kada publikadó sinti ku nan ta parti di Yehova su famia. Ademas, nan ta yuda e publikadónan keda serka di Yehova. Semper nan ta kla pa animá Yehova su karnénan i yuda nan ora un emergensia médiko presentá òf ora di desaster natural. Si bo mester di yudansa, sinti bo liber pa papia ku un ansiano den bo kongregashon.—Snt 5:14.

WAK E VIDIO WARDADÓNAN KU TA KUIDA E TOU, I DESPUES KONTESTÁ E SIGUIENTE PREGUNTANAN:

• Kon Mariana a benefisiá di e yudansa di e ansianonan?

  Bo kontesta

• Kon Elias a benefisiá di e yudansa di e ansianonan?

  Bo kontesta

• Despues di a wak e vidio akí, kon bo ta sinti tokante e trabou ku e ansianonan ta hasi?

  Bo kontesta