E israelitanan tabatin bon motibu pa alabá Yehova. Yehova a saka nan for di Egipto i a salba nan for di Fárao su ehérsito! (Éks 15:1, 2) Awe, Yehova ta sigui mustra bondat na su pueblo. Kon nos por demostrá nos apresio pa e bondat ku Yehova ta mustra na nos?—Sl 116:12.

Un manera ta di traha pionero ousiliar òf pionero regular. Bo por pidi Yehova duna bo tantu e deseo komo e forsa pa sirbi komo pionero. (Flp 2:13) Hopi ruman ta kuminsá komo pionero ousiliar. Bo por skohe pa traha sea 30 òf 50 ora durante e lunanan di mart i aprel i durante e luna ku bo kongregashon tin bishita di e superintendente di sirkuito. Ora bo ripará kuantu goso e trabou di pionero ousiliar ta duna bo, kisas lo bo ke hasi esfuerso pa bira pionero regular. Tin ruman ta traha pionero regular apesar ku nan ta traha fultaim òf tin problema ku salú. (mwb16.07 8) Yehova sigur meresé kualke esfuerso ku nos ta hasi pa alab’é!—1Kr 16:25.

WAK E VIDIO TRES RUMAN NA MONGOLIA, I DESPUES KONTESTÁ E SIGUIENTE PREGUNTANAN:

• Ki reto e tres ruman muhénan mester a vense pa nan por a traha pionero?

• Ki bendishon nan a risibí?

• Komo ku nan tabata traha pionero, ki oportunidat nan a haña pa hasi mas den nan sirbishi na Yehova?

• Ki efekto nan ehèmpel tabatin riba otro hende?